Գարեգին Ամատյան
Գարեգին Սարգսի Ամատյան (նոյեմբերի 26, 1888, Անջրդի, Արաբկիրի գավառակ - ապրիլի 24, 1982, Երևան, Հայկական ԽՍՀ, ԽՍՀՄ), հայ հոգեբույժ, թմրաբույժ, հասարակական գործիչ։ Բժշկական գիտությունների դոկտոր (1914), պրոֆեսոր (1922)։
 | |
|---|---|
 | |
| Ծնվել է | նոյեմբերի 26, 1888 |
| Ծննդավայր | Անջրդի, Արաբկիրի գավառակ |
| Մահացել է | ապրիլի 24, 1982 (93 տարեկան) |
| Մահվան վայր | Երևան, Հայկական ԽՍՀ, ԽՍՀՄ |
| Կրթություն | Լոզանի համալսարան (1913) |
| Մասնագիտություն | հոգեբույժ և հասարակական գործիչ |
| Գիտական աստիճան | բժշկական գիտությունների դոկտոր (1914) |
| Զավակներ | Մասիս Ամադյան |
Բժշկական գիտությունների դոկտոր Մասիս Ամադյանի հայրը։
Կենսագրություն խմբագրել
Գարեգին Ամատյանը ծնվել է 1888 թվականին Արաբկիրի գավառի Անջրդի գյուղում։ Նախնական կրթությունը ստացել է Երզնկայում, ապա՝ Պերպերյան և Վենետիկի Մուրադ-Ռափայելյան վարժարաններում։ 1913 թվականին ավարտել է Լոզանի համալսարանի բժշկական ֆակուլտետը։ 1914-1919 թվականներին աշխատել է Լոզանի նահանգային հոգեբուժական կլինիկայում (ընթերակա, այնուհետև՝ վարիչ), 1919-1922 թվականներին՝ Զմյուռնիայի (Կիլիկիա) նյարդահոգեբուժական հիվանդանոցում, 1922-1928 թվականներին՝ ՀԲԸՄ Բեյրութի Քելեկյան և Սիսուան որբանոցների բժիշկ և տնօրեն, 1928-1933 թվականներին աշխատել է Փարիզի հոգեբուժական, ներքին հիվանդությունների, 1933-1948 թվականներին՝ Կահիրեի հոգեբուժական կլինիկաներում, դասավանդել է Կահիրեի Գալուստյան ազգային վարժարանում, եղել հոգաբարձուների անդամ, Արաբկիրի հայրենակցական միության ատենապետ, ներգաղթի կոմիտեի բժիշկ։ 1948-1969 թվականներին եղել է Երևանի հանրապետական հոգեբուժական կլինիկական հիվանդանոցի հոգեբույժ և թմրաբուժական բաժանմունքի հիմնադիր-վարիչ[1]։
Աշխատանքները վերաբերում են ալկոհոլամոլի անձի հոգեախտաբանական վերլուծությանը, Հայաստանում ալկոհոլամոլների դիսպանսերացման և բուժման հիմնահարցերին։ Համահեղինակ է «Ալկոհոլիկներն այլասերվա՞ծ են» (ֆրանսերեն, 1918) գրքի[2]։
Երկեր խմբագրել
- Հոգեվերլուծումը, Բեյրութ, 1925։
- Աշնան երգեր, Փարիզ, 1960։
Աղբյուրներ խմբագրել
- Հովակիմյան Բ. Մ. Հայոց ծածկանունների բառարան, 2005։ էջ 556։
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ «ՀՀ ԳԱԱ Հիմնարար Գիտական Գրադարան catalog › Authority search › Ամատյան, Գարեգին Սարգսի, 1888-1982 (Personal Name)». opac.flib.sci.am (անգլերեն). Վերցված է 2017 թ․ հունվարի 26-ին.(չաշխատող հղում)
 | Վիքիդարանն ունի նյութեր, որոնք վերաբերում են «Գարեգին Ամատյան» հոդվածին։ |