Գառնի (Կամախի գավառ)

Անվան այլ կիրառումների համար տե՛ս՝ Գառնի (այլ կիրառումներ)

Կառնի, գյուղ Բարձր Հայք աշխարհի Դարանաղի գավառում, իսկ ապա գյուղ Արևմտյան Հայաստանում, Էրզրումի վիլայեթի Կամախի գավառակում։ Գտնվում էր Երզնկա քաղաքից 20-25 կմ արևմուտք, Կամախ քաղաքից 18-19 կմ հյուսիս-արևելք, խոր ձորի մեջ, Սեպուհ լեռան ստորոտում։

Գյուղ
Կառնի
Վարչական տարածք	Արևմտյան Հայաստան
Վիլայեթ	Էրզրումի վիլայեթԷրզրումի վիլայեթ
Գավառակ	Կամախի գավառակ
Այլ անվանումներ	Գռանի, Կառնի
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3

Ավանդապատում

Գյուղի մոտակայքում` Երզնկա տանող ճանապարհին, կա երկու հսկա քարակտորներ, որոնք ըստ ավանդության սկզբում մի քարաժայռ է եղել։ Այն թրով երկու մասի է բաժանել Տրդատ Գ թագավորը Գրիգոր Լուսավորչի հետ։

Պատմություն

Գյուղը ավերվել, իսկ բնակչությունը բռնությամբ տեղահանվել է 1915 թվականի Մեծ եղեռնի ժամանակ։ Նրանց մեծ մասը զոհվել է աքսորի ճանապարհին։

Բնակչություն

Գյուղը հայաբնակ էր։ 1909 թվականին ուներ 201 (27 ընտանիք) հայ բնակիչ։

Տնտեսություն

Զբաղվում էին երկրագործությամբ և անասնապահությամբ։

Պատմամշակութային կառույցներ

Գառնին ունեցել է Ս. Թորոս անունով եկեղեցի։ Գառնի է մոտ է գտնվում Դեղթափ անունով քարաժայռը, որի վրա չորս ավետարանիչ էին պատկերված։

Գյուղի մոտակայքում է գտնվել Ս. Գրիգոր Լուսավորիչ վանքը, որը նոր ժամանակներում` մինչև 1915 թվականը հանդիսանում էր շրջակայքի հայության ամենանշավոր ուխտատեղին։

Կրթություն

Գյուղն ուներ Թորգոմյան անունով վարժարան, որտեղ սովորում էր 20-25 աշակերտ։

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Տես նաև

• Էրզրումի նահանգի հայաբնակ բնակավայրեր

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 272)։