Գառնիկ Բադալյան
- Վիքիպեդիայում կան հոդվածներ Բադալյան ազգանունով այլ մարդկանց մասին։
Գառնիկ Ժորայի Բադալյան (հունիսի 1, 1950, Կույբիշև, Հայաստան), ՀՀ պետական և քաղաքական գործիչ, Հայաստանի Հանրապետության էկոնոմիկայի նախարարի նախկին տեղակալ։
| Գառնիկ Բադալյան | |
|---|---|
| Ծնվել է | հունիսի 1, 1950 (74 տարեկան) |
| Ծննդավայր | Կույբիշև, Հայաստան |
| Քաղաքացիություն |  Հայաստան |
| Կրթություն | ՀԱՊՀ |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր |
| Կուսակցություն | Հայաստանի Հանրապետական կուսակցություն |
Կրթություն
խմբագրել- 1957-1967 թթ. - սովորել և ավարտել է Իջևանի թիվ 1 միջնակարգ դպրոցը։
- 1967-1972 թթ. - սովորել և ավարտել է Երևանի Կ.Մարքսի անվան պոլիտեխնիկական ինստիտուտի տեխնիկական կիբերնետիկայի ֆակուլտետը՝ «էլեկտրոնային հաշվիչ մեքենաներ» մասնագիտությամբ։
Աշխատանքային գործունեություն
խմբագրել- 1972-1980 թթ. - աշխատել է «Ագաթ» համամիութենական գիտահետազոտական ինստիտուտի մասնաճյուղում որպես ինժեներ, ավագ ինժեներ, ապա՝ առաջատար ինժեներ։
- 1980-1982 թթ. - Ատոմային էլեկտրակայանների համամիութենական գիտահետազոտական ինստիտուտի խմբի ղեկավար։
- 1982-1998 թթ. - ՀԽՍՀ առևտրի մինիստրության ինֆորմացիոն հաշվիչ կենտրոնի բաժնի վարիչ, փոխտնօրեն, ապա՝ տնօրեն։
- 1998-1999 թթ. - եղել է «Ինֆոֆայլ» ԲԲԸ գործադիր տնօրեն։
Պետական և քաղաքական գործունեություն
խմբագրել- ՀՀԿ անդամ։
- 1999 թվականից ՀՀԿ խորհրդի անդամ է։
- 1999-2000 թթ. - ՀՀ կառավարությանն առընթեր ստանդարտացման, չափագիտության և սերտիֆիկացման վարչության պետի տեղակալ։
- 2000 թ. նոյեմբերի 16-ին ընտրվել է ՀՀ Ազգային ժողովի 2-րդ գումարման պատգամավոր «Միասնություն» դաշինքի համամասնական ընտրացուցակով։ «Միասնություն» խմբակցության անդամ։ Ֆինանսավարկային, բյուջետային եւ տնտեսական հարցերի մշտական հանձնաժողովի անդամ։ ՀՀԿ խորհրդի անդամ։
- 2003 թ. օգոստոսի 5-ին ՀՀ վարչապետի որոշմամբ նշանակվել է ՀՀ Առևտրի և տնտեսական զարգացման նախարարի տեղակալ։
- 2008 թ. հունիսի 20-ին ՀՀ վարչապետի որոշմամբ նշանակվել է Հայաստանի Հանրապետության էկոնոմիկայի նախարարի տեղակալ՝ ազատվելով Հայաստանի Հանրապետության առևտրի և տնտեսական զարգացման նախարարի տեղակալի պաշտոնից[1]։ 2016 թ․-ին ազատվել է պաշտոնից։
Ունի ավագ լեյտենանտի զինվորական կոչում։ Ամուսնացած է, ունի երկու զավակ։
Ծանոթագրություններ
խմբագրել- ↑ «Գ. ԲԱԴԱԼՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷԿՈՆՈՄԻԿԱՅԻ ՆԱԽԱՐԱՐԻ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ». Արխիվացված է օրիգինալից 2021 թ․ փետրվարի 26-ին. Վերցված է 2015 թ․ սեպտեմբերի 30-ին.