Գայլարդիա երկգույն
Գայլարդիա երկգույն | |
Գայլարդիա երկգույն | |
Դասակարգում | |
Թագավորություն | Բույսեր (Plantae) |
Կարգ | Աստղածաղկավորներ (Asterales) |
Ընտանիք | Աստղածաղկազգիներ (Asteraceae) |
Վերնատրիբա | Helianthodae |
Տրիբա | Helenieae |
Ենթատրիբա | Gaillardiinae |
Ցեղ | Գայլլարդիա (Gaillardia) |
Տեսակ | Գայլարդիա երկգույն (G. pulchella) |
Միջազգային անվանում | |
Gaillardia pulchella |
Գայլարդիա երկգույն (լատին․՝ Gaillardia pulchella), աստղածաղկազգիների ընտանիքին պատկանող միամյա ծաղկաբույս, որը ծագումով Հարավային և Հյուսիսային Ամերիկաներից է։ Լուսասեր և բավականին երաշտադիմացկուն բույս է, աճում և առատորեն ծաղկում է հումուսով ու սննդանյութերով հարուստ ստրուկտուրային հողերում։ Բարձրությունը հասնում է մինչև 90 սմ-ի։
Նկարագրություն խմբագրել
Տերևները երկարավուն օվալաձև են, լայնաբլթակ կամ ուղղակի բլթակավոր։ Ծաղկաբույլերը կազմված են լեզվակավոր և խողովակաձև կամ միայն խողովակաձև խոշոր ծաղիկներից, որոնց գունավորումը տարբեր է՝ դեղին, նարնջագույն, կարմրադարչնագույն և կարմիր։ Հանդիպում են կիսալիաթերթիկ և լիաթերթիկ ծաղկավոր բույսեր։ Բույսի բարձրությունը չի անցնում 50-60 սմ-ից։ Ունի հոծ, ցածրաճ այլատեսակ՝ մինչև 40 սմ բարձրությամբ։ Ծաղիկները խոշոր են, մինչև 10-12 սմ տրամագծով։ Սելեկցիոն եղանակով ստացված խոշորածաղիկ տեսակներն են․
- Տետրա Ֆիեստա
- Սանգվինեա Տետրա
- Սուպեր Չիֆ
- Լորենց
Բազմանում է սերմերի միջոցով, որոնք նպատակահարմար է ցանել մայիսին անմիջապես բաց գրունտում։ Սերմերը ցանում են ապրիլին կիսատաք ջերմոցներում։ Սերմնաբույսերը վերատնկում են թաղարաներում և ապահովում լույսով ու խոնավությամբ։ Ուշ գարնանային ցրտահարությունների վտանգն անցնելուց հետո բույսերը դաշտ են տեղափոխում։ Պիտանի են լանդշաֆտային ձևավորումների համար, ինչպես նաև միքսբորդերներում[1]։
Ծանոթագրություններ խմբագրել
- ↑ Լ․Վ․ Հարությունյան, Քո շրջապատի ծաղիկները, Արևիկ հրատարակչություն, Երևան, 1987
Վիքիցեղերն ունի նյութեր, որոնք վերաբերում են «Գայլարդիա երկգույն» հոդվածին։ |
Վիքիպահեստն ունի նյութեր, որոնք վերաբերում են «Գայլարդիա երկգույն» հոդվածին։ |