Գագիկ Անանյան
- Վիքիպեդիայում կան հոդվածներ Անանյան ազգանունով այլ մարդկանց մասին։
Գագիկ Անանյան (12 ապրիլի, 1962, Մեծշեն, Մարտակերտի շրջան - 27 դեկտեմբերի, 1993, Մատաղիս), հայ ազատամարտիկ, Արցախյան ազատամարտի մասնակից։
| Գագիկ Դավթի Անանյան | |
|---|---|
| 12 ապրիլի, 1962 - 27 դեկտեմբերի, 1993 | |
| Ծննդավայր | .svg){kind=small} Մեծշեն, Մարտակերտի շրջան |
| Մահվան վայր |  Մատաղիս |
| Մարտեր/ պատերազմներ | Արցախյան ազատամարտ |
| Պարգևներ |  |
Կենսագրություն խմբագրել
Գագիկ Անանյանը ծնվել է 1962 թ. ապրիլի 12-ին Մարտակերտի շրջանի Մեծշեն գյուղում։ 1979-ին ավարտել է միջնակարգ դպրոցը, իսկ այնուհետև՝ Ստեփանակերտ քաղաքի վարորդական դասընթացները։ 1981 թ. զորակոչվել է Խորհրդային բանակ։ Ծառայել է խորհրդային բանակի՝ Էջմիածնում տեղակայված ստորաբաժանումում, եղել է տանկի մեխանիկ-վարորդ։ Զորացրվելուց հետո որպես վարորդ աշխատել է գյուղի տնտեսությունում։ 1990 թ. անդամագրվել է Վլ. Բալայանի ջոկատին։ Մասնակցել է բազմաթիվ մարտերի և ամենուր ցուցաբերել խիզախություն։ Զոհվել է 1993-ի դեկտեմբերի 27-ին Մատաղիս գյուղում։ Հետմահու պարգևատրվել է «Մարտական խաչ» 2-րդ աստիճանի շքանշանով։ Ամուսնացած էր, ունի երեք երեխա։ Հանգչում է Մեծշենի գերեզմանատանը[1]։
Ծանոթագրություններ խմբագրել
- ↑ Գագիկ Անանյանը Արցախյան պատերազմի թանգարանի կայքում(չաշխատող հղում)