Բոսնիական պուտուկ
Բոսնիական պուտուկ (Bosanski Lonac), բոսնիական շոգեխաշած միս, խաշլամա[1][2], յուրահատուկ ճաշատեսակ[3], որ հարգի է իր ճոխ համային որակների համար։ Պատրաստման բաղադրատոմսերը որոշակի բազմազանություն ունեն՝ կախված տարածաշրջանից և անհատական ճաշակից, սակայն անփոփոխ են հիմնական բաղադրամասերը՝ մսի և բանջարեղենի խոշոր կտորները[4]։ Ընդ որում՝ կարող են օգտագործվել խառը մսատեսակներ[5]։ Համարվում է բոսնիական ազգային կերակրատեսակ[6]։
 | |
|---|---|
 | |
| Տեսակ | սննդամթերք |
| Ենթատեսակ | ստյու և սննդամթերք |
| Առաջացման երկիր |  Բոսնիա և Հերցեգովինա |
| Հիմնական | Տավարի միս, mutton?, S. tuberosum, գազար և A. sativum |
Bosanski lonac-ը հարյուրավոր տարիներ մատուցվել է ինչպես հարուստների, այնպես էլ աղքատների սեղաններին։ Հարուստների համար այն պատրաստվել է մեծաքանակ մսով և թանկարժեք համեմունքներով ու այլ բաղադրամասերով, իսկ աղքատները եփել են այնպես, ինչպես մատչելի, հասանելի է եղել։ Տիպական բաղադրամասերն են՝ տավարի, ոչխարի, գառան միս, կաղամբ, կարտոֆիլ, լոլիկ, գազար, սխտոր, մաղադանոս, հատիկավոր սև պղպեղ։ Կարող են օգտագործվել բազմատեսակ բանջարեղեն ու մսեր։ Bosanski lonac պատրաստելու համար խոր պուտուկի մեջ փոխնիփոխ շարում են խոշոր կտրտված բանջարեղենի ու մսի շերտերը, բերնեբերան լցնում, ավելացնում 1-ից 2 լիտր ջուր։
Ի սկզբանե Bosanski lonac-ը պատրաստել են կավե անոթներում՝ պուտուկներում[3], եփել վառարանում կամ՝ փոսի մեջ արված կրակի վրա։ Մեր օրերում եփում են նաև խոհանոցային սովորական գազօջախի կամ էլեկտրական սալիկի վրա։ Մսակտորների խոշորությունը նկատի առնելով՝ եփելը կարող է ձգձգվել մինչև չորս ժամ։
Ծանոթագրություններ խմբագրել
- ↑ Albala, K. (2011). Food Cultures of the World Encyclopedia. Food Cultures of the World Encyclopedia. Greenwood. էջ 53. ISBN 978-0-313-37626-9. Վերցված է 2017 թ․ հունվարի 9-ին.
- ↑ Wright, C. (2012). The Best Stews in the World: 300 Satisfying One-Dish Dinners, from Chilis and Gumbos to Curries and Cassoulet. Harvard Common Press. էջ 360. ISBN 978-1-55832-747-4. Վերցված է 2017 թ․ հունվարի 9-ին.
- ↑ 3,0 3,1 Bosnia and Herzegovina Doing Business for Everyone Guide - Practical Information and Contacts. International Business Publications USA. 2012. էջ 221. ISBN 978-1-4387-7171-7. Վերցված է 2017 թ․ հունվարի 9-ին.
- ↑ Dale, R. (2000). The Wordsworth Dictionary of Culinary & Menu Terms. Reference Library. Wordsworth. էջ 55. ISBN 978-1-84022-300-2. Վերցված է 2017 թ․ հունվարի 9-ին.
- ↑ Walker, F.A. (2006). Black Island: Memories from the Adriatic. Vanguard. էջ 140. ISBN 978-1-84386-288-8. Վերցված է 2017 թ․ հունվարի 9-ին.
- ↑ Long, L.M. (2015). Ethnic American Food Today: A Cultural Encyclopedia. Ethnic American Food Today. Rowman & Littlefield Publishers. էջ 79. ISBN 978-1-4422-2731-6. Վերցված է 2017 թ․ հունվարի 9-ին.
Արտաքին հղումներ խմբագրել
- Bosnian pot recipe Արխիվացված 2015-11-04 Wayback Machine