Բերգենի տաճար

Բերգենի տաճար (նորվ.՝ Bergen domkirke), լյութերական տաճար Նորվեգիայի Բերգեն քաղաքի հյուսիսարևմտյան մասում։ Ենթարկվում է Նորվեգիայի եկեղեցու Բերգենի թեմին։ Առաջին հիշատակությունը թվագրվում է 1181 թվականին սուրբ Օլաֆ անունով։ Տաճարում կարող են տեղավորվել միանգամից 1000 մարդ։

Բերգենի տաճար նորվ.՝ Bergen domkirke
Հիմնական տվյալներ
Տեսակ	լյութերական տաճար
Երկիր	Նորվեգիա
Տեղագրություն	Բերգեն, Հորդլանդ
Դավանանք	լյութերականություն
Թեմ	Բերգենի թեմ
Հիմնական ամսաթվերը	1150
Ներկա վիճակ	Գործող
Ժառանգության կարգավիճակ	Նորվեգիայի պատմական ժառանգության վայր
Առաջնորդ	Բիշոփ Հալվոր Նորդհաուգ
Ճարտարապետ	Քրիստիան Քրիստիե Պիտեր Անդերսեն Բլիսկ (1880 վերակառուսում)
Ճարտարապետական ոճ	Գոթիկա
Հիմնադրված	1181թ.-ից հետո
Շինանյութ	Քար
60°23′38″ հս․. լ. 5°19′50″ ավ. ե.
Bergen domkirke Վիքիպահեստում

Նորվեգիայի Հոկոն IV թագավորի օրոք եկեղեցու տեղում գործել է մենաստան, որը տաճարի կառուցման ընթացքում ներառվում է վերջինիս ենթակառուցվածքի մեջ։ Տարբեր տարիներին հրդեհի հետևանքով այրվել է 1248 և 1270 թվականներին և կրկին վերականգնվել։ 1463 թվականին կրկին այրվում է, սակայն այս անգամ չի վերականգնվում մինչև 1550-ական թվականները։ Չնայած կիսավեր վիճակին՝ եկեղեցին 1539 թվականին ստանում է տաճարի կարգավիճակ։

1623 և 1640 թվականների հրդեհից հետո տաճարը վերականգնվել է և ստացել ներկայիս տեսքը։ Գմբեթի ցիցը տեղադրվել է հենց այդ ժամանակ իրականացված շինարարության ժամանակ։ Ճարտարապետ Քրիստիան Քրիստին և Պիտեր Անդերսեն Բլիսկը 1880 թվականի վերնորոգման ժամանակ վերականգնել են եկեղեցու ներսի միջնադարյան տեսքը։

1665 թվականին Բերգենի ափերին տեղի ունեցած անգլո-հոլանդական ճակատամարտի ժամանակ թնդանոթի արկը դիպչել է տաճարի պատին, որը մինչ օրս պահպանվում է նույն տեղում։

Պատկերասրահ

• 
• 
• 
• 

Տես նաև

• Նորվեգիայի տաճարների ցանկ

Արտաքին հղումներ

• Bergen Cathedral — histos.no(նորվ.)(անգլ.)