Բացել գլխավոր ցանկը

Բենզիլպենիցիլին

քիմիական միացություն

Բենզիլպենիցիլին, նաև հայտնի որպես պենիցիլին G, մի շարք բակտերիալ ինֆեկցիաների բուժման համար նախատեսված հակաբիոտիկ[1]: Դրանց շարքին են դասվում՝ թոքաբորբը, ստրեպտոկոկային ֆարինգիտը, սիֆիլիսը, նեկրոտիկ էնտերոկոլիտը, դիֆթերիան, գազային գանգրենան, վարակիչ դեղնախտը, ցելյուլիտը և փայտացումը[2]: Այն չի համարվում առաջնային ընտրության դեղամիջոց պնևմոկոկային մենինգիտի բուժման ժամանակ[3]: Բենզիլպենիցիլինը ներարկվում է ներերակային և միջմկանային[4]: Երկարաձգված ազդեցությամբ օժտված երկու ձևերը՝ բենզատին բենզիլպենիցիլինը և պրոկաին բենզիլպենիցիլինը ներարկվում են միջմկանային[5]:

Blue pill container spilled icon.svg
Բենզիլպենիցիլին
Penicillin-G.svg
Benzylpenicillin.svg
Նույնացուցիչներ
CAS համար61-33-6
PubChem CID5904
DrugBank01053
E numberE705 (antibiotics) Խմբագրել Վիքիդատայում
CompTox Dashboard (EPA)
ECHA InfoCard100.000.461 Խմբագրել Վիքիդատայում

Առաջացրած կողմնակի ազդեցությունների թվին են պատկանում՝ փորլուծությունը, ցնցումները, ալերգիկ ռեակցիաները, ներառյալ՝ անաֆիլաքսիան[6]: Սիֆիլիսի բուժման ժամանակ դրա կիրառումը կարող է բերել Jarisch–Herxheimer անվան տակ հայտնի ռեակցիայի դրսևորմանը[7]: Այն խորհուրդ չի տրվում կիրառել պենիցիլինի նկատմամբ ալերգիայի առկայության դեպքում[8]: Հղիության ժամանակ դրա կիրառումը, որպես կանոն, անվտանգ է[9]: Այն պատկանում է β-լակտամների և պենիցիլինի դասի հակաբիոտիկների շարքին[10]:

Բենզիլպենիցիլինը հայտնաբերվել է 1929 թվականին Ալեքսանդր Ֆլեմինգի կողմից և շուկայահանվել է 1942 թվականին[11]: Այն ներառված է Առողջապահության համաշխարհային կազմակերպության հիմնական դեղերի ցանկում՝ որպես առողջապահության համակարգին անհրաժեշտ առավել արդյունավետ և անվտանգ դեղամիջոց[12]: Զարգացող երկրներում մեծածախ ծախսերը կազմում են մոտավորապես 0.24–2.72 ԱՄՆ դոլար օրական[13]: Միացյալ Նահանգներում բուժման կուրսը կազմում է 100-200 $[14]:

Բժշկական կիրառումԽմբագրել

Հակամանրէային ազդեցությունԽմբագրել

Բենզիլպենիցիլինը հիմնականում արդյունավետ է գրամ դրական մանրէների նկատմամբ: Նաև հայտնի է, որ որոշ գրամ բացասական օրգանիզմներ, ինչպիսիք են՝ Neisseria gonorrhoeae և Leptospira weilii -ն, զգայուն են բենզիլպենիցիլինի նկատմամբ[15]:

Կողմնակի ազդեցություններԽմբագրել

Կողմնակի ազդեցությունների թվին կարող են պատկանել՝ գերզգայունությունը (ներառյալ՝ եղջերացանը), տենդը, հոդացավերը, ցանը, անգիոնևրոտիկ այտուցը, անաֆիլաքսիան, շիճուկային հիվանդություն հիշեցնող ռեակցիան: Հազվադեպ կարող է բերել կենտրոնական նյարդային համակարգի ախտահարմանը, ներառյալ՝ ցնցումները (հատկապես բարձր դեղաչափերի և ծանր երիկամային անբավարարության ժամանակ) ինտերստիցիալ նեֆրիտը, հեմոլիտիկ սակավարյունությունը, լեյկոպենիան, թրոմբոցիտոպենիան և կոագուլյացիայի խանգարումները: Նաև տեղեկացվում է փորլուծության մասին (ներառյալ՝ հակաբիոտիկներով հարուցված կոլիտը):

Բենզիլպենիցիլինի կոնցենտրացիաները շիճուկում կարելի է կարգավորել ավանդական միկրոկենսաբանական անալիզի կամ ավելի ժամանակակից քրոմատոգրաֆիական մեթոդների կիրառման միջոցով: Այդ չափումները կարող են օգտակար լինել քրոնիկական հիմքի վրա բարձր դեղաչափեր ընդունող ցանկացած մարդու մոտ կենտրոնական նյարդային համակարգի տոքսիկությունից խուսափելու համար, բայց դրանք հատկապես ակտուալ են երիկամային անբավարարությամբ պացիենտների համար, որը կարող է բերել դեղամիջոցի կուտակմանը՝ մեզի հետ արտազատման ցուցանիշների նվազման պատճառով[16][17]:

ԾանոթագրություններԽմբագրել

  1. WHO MODEL FORMULARY 2008
  2. WHO MODEL FORMULARY 2008
  3. WHO MODEL FORMULARY 2008
  4. «Penicillin G Injection - FDA prescribing information, side effects and uses»։ www.drugs.com։ Արխիվացված օրիգինալից 20 December 2016-ին։ Վերցված է 10 December 2016 
  5. WHO MODEL FORMULARY 2008
  6. WHO Model Formulary 2008։ World Health Organization։ 2009։ էջեր 98, 105։ ISBN 9789241547659։ Արխիվացված օրիգինալից 13 December 2016-ին։ Վերցված է 8 December 2016 
  7. WHO MODEL FORMULARY 2008
  8. WHO MODEL FORMULARY 2008
  9. Penicillin G Injection
  10. WHO MODEL FORMULARY 2008
  11. Fischer Janos, Ganellin C. Robin (2006)։ Analogue-based Drug Discovery (անգլերեն)։ John Wiley & Sons։ էջ 490։ ISBN 9783527607495։ Արխիվացված օրիգինալից 20 December 2016-ին 
  12. «WHO Model List of Essential Medicines (19th List)»։ World Health Organization։ April 2015։ Արխիվացված օրիգինալից 13 December 2016-ին։ Վերցված է 8 December 2016 
  13. «Penicillin, Benzyl»։ International Drug Price Indicator Guide։ Վերցված է 8 December 2016 
  14. Hamilton Richart (2015)։ Tarascon Pocket Pharmacopoeia 2015 Deluxe Lab-Coat Edition։ Jones & Bartlett Learning։ էջ 95։ ISBN 9781284057560 
  15. «Penicillin G» (pdf)։ Toku-E։ 2010-10-10։ Արխիվացված է օրիգինալից 2016-03-03-ին։ Վերցված է 2012-06-11 
  16. Fossieck B Jr, Parker RH. Neurotoxicity during intravenous infusion of penicillin. A review. J. Clin. Pharmacol. 14: 504- 512, 1974.
  17. R. Baselt, Disposition of Toxic Drugs and Chemicals in Man, 8th edition, Biomedical Publications, Foster City, CA, 2008, pp. 1195-1196.