Բալաշ Քասումով
Բալաքիշի (Բալաշ) Ալեքպեր օղլու Քասումով (ադրբ.՝ Balakişi (Balaş) Ələkbər oğlu Qasımov, հոկտեմբերի 20, 1978, Բաքու, Ադրբեջանական ԽՍՀ, ԽՍՀՄ), «Ի՞նչ, որտե՞ղ, ե՞րբ» էլիտար ինտելեկտուալ ակումբի անդամ, Ադրբեջանում «Ի՞նչ, որտե՞ղ, ե՞րբ» հեռուստախաղի հաղորդավար և գլխավոր պրոդյուսեր, GameTV.az պրոդյուսերական կենտրոնի ղեկավար[1]։ 2018 թվականից Ադրբեջանի հանրային հեռուստաընկերության գլխավոր տնօրեն։
| Բալաշ Քասումով ադրբ.՝ Balakişi Ələkbər oğlu Qasımov | |
|---|---|
| Ծնվել է | հոկտեմբերի 20, 1978 (45 տարեկան) |
| Ծննդավայր | Բաքու, Ադրբեջանական ԽՍՀ, ԽՍՀՄ |
| Քաղաքացիություն |  Ադրբեջան |
| Կրթություն | Ադրբեջանի պետական տնտեսագիտական համալսարան |
| Մասնագիտություն | գիտակ և պրոդյուսեր |
| Պարգևներ և մրցանակներ | |
Կենսագրություն խմբագրել
Ավարտել է Բաքվի Նամիք Ահունդովի անվան թիվ 1 միջնակարգ դպրոցը և Հաբիբբեկ Մահմուդբեկովի անվան հումանիտար տեխնիկական վարժարանը։ Բարձրագույն կրթությունն ստացել է Ադրբեջանի պետական տնտեսագիտական համալսարանը, որն ավարտել է ֆինանսական ոլորտի բակալավրի աստիճանով։
Մանուկ հասակում ակտիվ ընթերցանությունը համադրել է ֆուտբոլային պարապմունքների հետ։ 2011 թվականին նկարահանվել է Յուլի Գուսմանի «Մի՛ վախեցիր, ես քեզ հետ եմ 1919» ֆիլմի էպիզոդիկ դերերից մեկում[2]։
2018 թվականին Ադրբեջանի պետական հեռուստաընկերության հեռարձակող խորհրդի կողմից ընտրվել է հեռուստաընկերության նոր գործադիր տնօրեն[3]։
Ի՞նչ, որտե՞ղ, ե՞րբ խմբագրել
Բալաշ Քասումովը էլիտար ակումբի անդամ է 2004 թվականից։ «Ի՞նչ, որտե՞ղ, ե՞րբ» խաղի սպորտային տարբերակում հասել է էական հաջողությունների։ Լինելով թիմի ավագ՝ 2004 թվականին նվաճել է աշխարհի չեմպիոնի կոչումը։ Դրանից հետո թիմը նվաճել է աշխարհի բացարձակ չեմպիոնի տիտղոսը՝ «Ի՞նչ, որտե՞ղ, ե՞րբ» հեռուստախաղում ահղթելով հեռուստադիտողների թիմին։ 2002, 2004, 2008, 2012 և 2013 թվականներին դարձել է «Ի՞նչ, որտե՞ղ, ե՞րբ» հեռուստախաղի Ադրբեջանի չեմպիոն, 2002 թվականին՝ «Բրեյնրինգի» Ադրբեջանի չեմպիոն, 1998[4], 2003[5] (Անար Ազիմովի թիմի կազմում) և 2010 թվականներին[6]՝ Հարավային Կովկասի չեմպիոն։
2010 թվականին դարձել է «Ի՞նչ, որտե՞ղ, ե՞րբ» ակումբների միջազգային ասոցիացիայի «Տարվա մարդ» անվանակարգի հաղթող[7]։
2010 թվականի ձմեռային եթերաշրջանի արդյունքներով դարձել է «Բյուրեղապակե բվի», «Ադամանդե բվի», «Ի՞նչ, որտե՞ղ, ե՞րբ» հեռուստախաղի լավագույն թիմի ավագի հաղթող։
2017 թվականին «Ի՞նչ, որտե՞ղ, ե՞րբ» ինտելեկտուալ շարժման տարածման համար դարձել է Վլադիմիր Վորոշիլովի անվան մրցանակի դափնեկիր[8]։
2019 թվականին «Պրոգրես» մեդալի՝ միջազգային ինտելեկտուալ խաղերում ադրբեջանական երիտասարդությանը ներկայացնելու համար[9]։
Ընտանիք խմբագրել
Ամուսնացած է, ունի երկու երեխա[3]։
Ծանոթագրություններ խմբագրել
- ↑ Продюсерский Центр GameTV.az — Азербайджан
- ↑ Премьера фильма «Не бойся, я с тобой! 1919» в Баку — 32 года спустя, или Интересные истории
- ↑ 3,0 3,1 «Балаш Касумов возглавил Общественное телевидение». 1news.az. 2018 թ․ մայիսի 11. Վերցված է 2018 թ․ մայիսի 11-ին.
- ↑ «Итоги I Чемпионата Закавказья по спортивному ЧГК, 1998 год». Արխիվացված է օրիգինալից 2003 թ․ հունիսի 16-ին. Վերցված է 2020 թ․ հունվարի 16-ին.
- ↑ Итоги VI Чемпионата Закавказья по спортивному ЧГК, 2003 год(չաշխատող հղում)
- ↑ Итоги чемпионата Южного Кавказа по спортивному ЧГК, 2010 год(չաշխատող հղում)
- ↑ Премии МАК ЧГК за 2010 год Արխիվացված 2011-10-19 Wayback Machine на сайте Международной ассоциации клубов ЧГК
- ↑ «Балаш Касумов стал лауреатом премии Ворошилова». Sputnik.az. 2017 թ․ նոյեմբերի 6. Վերցված է 2017 թ․ նոյեմբերի 22-ին.
- ↑ President.Az (29.04.2019). «Распоряжение Президента Азербайджанской Республики o награждении медалью «Терегги» членов команды Телевизионного клуба «Что? Где? Когда?»» (ռուսերեն). President.az. Վերցված է 2019 թ․ ապրիլի 29-ին.
{{cite web}}: External link in|publisher=