Արքավանք

Արքավանք, գյուղ Արևմտյան Հայաստանում, Բիթլիսի վիլայեթի Մշո գավառում։ Գտնվում էր Մուշ քաղաքից մոտ 24 կմ հարավ-արեելք, Մեղրագետի հովտում։

Գյուղը տեղական ճանապարհով կապված էր Մուշ քաղաքի հետ։

Պատմություն

XX դարի սկզբին Գևորգ Չաուշի ֆիդայիները մարտ են վարել թուրքական գերազանցող ուժերի դեմ։

Արքավանքը թուրքերի կողմից ավերվել է 1915 թ.-ի Մեծ եղեռնի տարիներին։ Բնակչության մի փոքր մասին է հաջողվել փրկվել և գաղթել զանազան երկրներ։

Բնակչություն

1909 թվականին ուներ 80-130 տուն՝ 1000 հայ բնակչով։

Տնտեսություն

Զբաղվում էին երկրագործությամբ, այգեգործությամբ, բանջարաբուծությամբ և անասնապահությամբ։

Պատմամշակույթային կառույցներ

Ուներ երկու եկեղեցի (Ս․ Թովմաս և Ս․ Լուսավորիչ), Աքրավանք անվանումով վանք։

Հասարակական կառույցներ

Գյուղում կար վարժարան։

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 157)։