Արցախի կամուրջները (գիրք)
«Արցախի կամուրջներ» (անգլ.՝ The bridges of Artsakh, ռուս.՝ Мосты Арцаха), Հայկական ճարտարապետությունն ուսումնասիրող կազմակերպության կողմից 2009 թվականին հրատարակված «ՀՃՈՒ գիտական ուսումնասիրություններ» շարքի թվով 12-րդ գիրքը (Գիրք ԺԲ)։ Այն հեղինակել է հուշարձանագետ, պատմաբան, բանահավաք, Հայկական ճարտարապետությունն ուսումնասիրող հիմնադրամի երևանյան գրասենյակի ղեկավար Սամվել Կարապետյանը։ Տպագրվել է եռալեզու տարբերակով՝ հայերեն, անգլերեն և ռուսերեն։ Աշխատությունը ներկայացնում է Պատմական Հայաստանի Արցախ նահանգում գտնվող 98 կամուրջների պատմությունն ու ճարտարապետությունը։ Գրքում ներկայացված են նաև բովանդակությանն առնչվող պատմական և ժամանակակից արժեքավոր լուսանկարներ, գծապատկերներ, քարտեզներ; Այն հասցեագրված էհայկական ճարտարապետության և պատմության խնդիրներով հետաքրքրվող մասնագետներին և ընթերցող լայն հասարակությանը[1][2]։
Արցախի կամուրջներ | |
|---|---|
.jpg) Գրքի կազմերեսը | |
| Հեղինակ | Սամվել Կարապետյան |
| Տեսակ | Ոչ գեղարվեստական |
| Բնօրինակ լեզու | Հայերեն |
| Լեզու | Անգլերեն, ռուսերեն |
| Էջեր | 144 |
| Շարք | «ՀՃՈՒ գիտական ուսումնասիրություններ» |
| Նախորդ | «Ախալցխա» |
| Հաջորդ | «Ուղեգնացական ակնարկներ» |
| Երկիր |  Հայաստան |
| Հրատարակման վայր | Երևան |
| Հրատարակիչ | Հայկական ճարտարապետությունն ուսումնասիրող հիմնադրամ |
| Հրատարակված է | «Տիգրան Մեծ» տպարան |
| Հրատարակման տարեթիվ | 2009 թվական |
| ԳՄՍՀ | ISBN 978-99941-875-2-2 |
| ՀՏԴ | 72(479.25):941(479.25) |
| ԳՄԴ | 85.113 (2Ð):63.3.(2Ð) |
| Թվային տարբերակ | raa-am.com/raa/pdf_files/56.pdf |
«Արցախի կամուրջներ» գիրքը հրատարակվել է Հայկական ճարտարապետությունն ուսումնասիրող կազմակերպության գիտական խորհրդի երաշխավորությամբ և հրատարակվել Արցախի Հանրապետության կառավարությանն առընթեր զբոսաշրջության վարչությունը։ Գրքի հրատարակումը նվիրված է Հայկական ճարտարապետությունն ուսումնասիրող կազմակեպության հիմնադիր նախագահ ճարտարապետ Արմեն Հախնազարյանի հիշատակին[1]։