Արտաշես Հունանյան

Վիքիպեդիայում կան հոդվածներ Հունանյան ազգանունով այլ մարդկանց մասին։

Արտաշես Արմենակի Հունանյան (սեպտեմբերի 15, 1922(1922-09-15), Ծաղկաբեր, Լոռու մարզ - հոկտեմբերի 19, 1994(1994-10-19), Գլենդեյլ, Լոս Անջելես շրջան, Կալիֆոռնիա, ԱՄՆ), հայ նկարիչ։

Արտաշես Հունանյան
Ի ծնե	Արտաշես Արմենակի Հունանյան
Ծնվել է	սեպտեմբերի 15, 1922(1922-09-15)
Ծննդավայր	Ծաղկաբեր, Լոռու մարզ
Վախճանվել է	հոկտեմբերի 19, 1994(1994-10-19) (72 տարեկան)
Մահվան վայր	Գլենդեյլ, Լոս Անջելես շրջան, Կալիֆոռնիա, ԱՄՆ
Ազգություն	հայ
Կրթություն	Երևանի պետական գեղարվեստա-թատերական ինստիտուտ (1956)
Մասնագիտություն	նկարիչ

Կենսագրություն

1956 թվականին ավարտել է Երևանի գեղարվեստա-թատերական ինստիտուտը։ 1960-1982 թթ. դասավանդել է Երևանի Խ. Աբովյանի անվան հայկական պետական մանկավարժական ինստիտուտի գեղանկարչության ֆակուլտետում։

Արտաշես Հունանյանի աշխատանքներից գտնվում են Հայաստանի ազգային պատկերասրահում։

Ստեղծագործական գործունեություն

Ստեղծագործել է գեղանկարչության, բեմանկարչության, հաստոցային և գրքի գրաֆիկայի բնագավառներում։ Աշխատանքներից են «Քաղաք» (1960-1961), «Վլադիվոստոկում» (1971), «Սախալինյան հուշեր» (1971), «Հայաստան, երկիր դրախտավայր» (1970-1988) նկարաշարերը, Դանթեի «Աստվածային կատակերգություն» (1961), Եղիշեի «Վասն Վարդանայ և Հայոց պատերազմին» (1962) նկարազարդումները, «Գեղարդ» (1963), «Խաչքար» (1968) գրաֆիկ թերթերը և այլն։ Հունանյանի արվեստին բնորոշ են թեմատիկ բազմազանությունը, դասական և արդիական ձևամտածողության նուրբ համադրումները։ Գրել է բանաստեղծություններ («Պահպանակ», 1994)։

Ցուցահանդեսներ

1968 թվականին անհատական ցուցահանդես է ունեցել Երևանում։

Արտաքին հղումներ

• Արտաշես Հունանյան Արխիվացված 2021-10-02 Wayback Machine
• Արտաշես Հունանյան - Երևանի Ժամանակակից արվեստի թանգարան(չաշխատող հղում)

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 646)։