Արուս Սիրադեղյան
Արուս Սեյրանի Սիրադեղյան ( հունիսի 26, 1971, Երևան, Հայկական ԽՍՀ, ԽՍՀՄ), հայ նկարիչ, ժողովրդական վարպետ։
Արուս Սիրադեղյան | |
|---|---|
| Ծնվել է | հունիսի 26, 1971 (52 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | ՀԱՊՀ |
| Մասնագիտություն | նկարչուհի |
Կենսագրություն խմբագրել
Արուս Սիրադեղյանը ծնվել է 1971 թվականին, Երևանում։ Ավարտել է Երևանի թիվ 114 դպրոցը, Երևանի ճարտարագիտական համալսարանի քիմիական ֆակուլտետը[1]։
Ցուցահանդեսներ խմբագրել
1994-1999 թվականներին խմբակային ցուցահանդեսների է մասնակցել Գերմանիայի Համբուրգ քաղաքում։ 2001 թվականին Շվեդիայի Կրիստիանշտատ քաղաքում մասնակցել է «Քաղաքի լավագույն նկարիչներ» խորագրով խմբակային ցուցահանդեսին։ 2016 թվականի սեպտեմբերին Երևանում մասնակցել է ՀՀ անկախության 25-ամյակին նվիրված՝ «Կավ և կտավ» խորագիրը կրող ցուցահանդեսին[1][2]։ 2016 թվականին ցուցահանդես է ունեցել Իտալիայում[3]։
Անհատական ցուցահանդեսներ խմբագրել
2001-2003 թվականներին անհատական ցուցահանդեսներ է ունեցել Շվեդիայի Օնեստատ, Մալմոր և Գյոթեբորգ քաղաքներում։ 2016 թվականին Երևանի ժողովրդական արվեստի կենտրոնում կայացել է Արուս Սիրադեղյանի «Պենտագրաֆիկա» խորագիրը կրող ցուցահանդեսը[1]։
«Պենտագրաֆիկա» խմբագրել
«Պենտագրաֆիկա» տերմինը Արուս Սիրադեղյանը հորինել է՝ ելնելով իր աշխատանքների առանձնահատկությունից։ Պենտոգրամը կամ Սողոմոնի կնիքը ամենատարածված երկրաչափական ձևերից մեկն է։ Այն ունի 5 անկյուն, որոնցից յուրաքանչյուրը խորհրդանշում է մի առանձին տարերք՝ ջուր, կրակ, հող, օդ և եթեր։
|
Իմ ստեղծագործությունները աբստրակցիա չեն։ Աբստրակցիան անառարկա արվեստն է, իսկ իմ աշխատանքների գլխավոր հերոսները պենտոգրամի 5 տարրերն են։ Ուստի իմ ստեղծագործական ոճը կարելի է անվանել պենտագրաֆիկա, որտեղ պատկերները ստացվում են 5 միջոցներով՝ գծով, գույնով, ստվերով, հարթություններով և ծավալներով։ - Արուս Սիրադեղյան
|
|
Ծանոթագրություններ խմբագրել
- ↑ 1,0 1,1 1,2 «Պենտագրաֆիկա». Արուս Սիրադեղյանի անհատական ցուցահանդեսը (10.12-15.12.2016)
- ↑ «Իմ աշխարհը ներկայացնելով մերկանում եմ, ինձ դուր է գալիս մերկանալ (ֆոտոշարք)». www.hraparak.am. Վերցված է 2018 թ․ փետրվարի 2-ին.
- ↑ «Arusi Siradeghyan».