Արմեն Մելիքսեթյան

Վիքիպեդիայում կան հոդվածներ Մելիքսեթյան ազգանունով այլ մարդկանց մասին։

Արմեն Վասիլի Մելիքսեթյան (ապրիլի 24, 1951(1951-04-24), Երևան, Հայկական ԽՍՀ, ԽՍՀՄ), հայ ռեժիսոր։ Պրոֆեսոր (2005)։ Հայաստանի արվեստի վաստակավոր գործիչ (2012)։

Արմեն Մելիքսեթյան
Ծնվել է	ապրիլի 24, 1951 (73 տարեկան)
Ծննդավայր	Երևան
Կրթություն	Երևանի պետական գեղարվեստա-թատերական ինստիտուտ և Սանկտ Պետերբուրգի կոնսերվատորիա
Քաղաքացիություն	Հայկական ԽՍՀ և  Հայաստան
Ազգություն	հայ
Մասնագիտացում	ռեժիսոր
Պարգևներ	ՀՀ արվեստի վաստակավոր գործիչ (2012)

Կենսագրություն

1977 թվականին ավարտել է Երևանի գեղարվեստա-թատերական ինստիտուտը, 1988 թվականին՝ Լենինգրադի կոնսերվատորիան։ 1992-1995 թվականներին եղել է Երևանի մանկական երաժշտական թատրոնի գլխավոր ռեժիսոր, 1996 թվականին՝ գեղարվեստական ղեկավար, 1997 թվականից՝ Երևանի կամերային երաժշտական թատրոնի հիմնադիր-գեղարվեստական ղեկավար։ 1978 թվականից դասավանդում է Երևանի կոնսերվատորիայում, 1992 թվականից՝ նաև Երևանի թատրոնի և կինոյի պետական ինստիտուտում (ամբիոնի վարիչ՝ 2006 թվականից)։

Բեմադրություններ

• Կ. Օրֆի «Բեռնաուերի դուստրը» (1997)
• Վարդան Աճեմյանի «Կիկոս» (1998, օպերա)
• Լ. Վեբերի «Կատուներ» (2000)
• «Քվազիմոդո և Էսմերալդա» (ըստ Հյուգոյի, 2002)
• «Բրոդվեյ- Բրոդվեյ» (2003)
• Արամ Սաթյանի «Լիլիթ» (2005, օպերա)

Տես նաև

• Հայաստանի Հանրապետության արվեստի վաստակավոր գործիչների ցանկ

Արտաքին հղումներ

• Նոր «Կարմենը» կարճ կլինի և առանց ծանր դեկորների