Բացել գլխավոր ցանկը

Արմեն Մանդակունյան (անգլ.՝ Armen Mandakunian, հունվարի 19, 1934, Երևան), հայ կոմպոզիտոր։

Արմեն Մանդակունյան
Ծնվել էհունվարի 19, 1934 (85 տարեկան)
Երևան
Ժանրերժողովրդական
էստրադա
Մասնագիտությունկոմպոզիտոր
ԿրթությունԵրևանի պարարվեստի պետական քոլեջ, Ռոմանոս Մելիքյանի անվան երաժշտական ուսումնարան և Երևանի Կոմիտասի անվան պետական կոնսերվատորիա
Կայքarmenmandakunian.com

ԿենսագրությունԽմբագրել

Արմեն Մանդակունյանը ծնվել է Երևանում։ Սովորել է Երևանի Չայկովսկու անվան երաժշտական դպրոցի ջութակի բաժնում։ Առաջին երաժշտությունը ստեղծել է Հովհաննես Թումանյանի քառյակներից մեկի համար.

Երազումս մի մաքի
Մոտս եկավ հարցմունքի.
-Աստված պահի քո որդին,
Ոն՞ց էր համը իմ ձագի…

1942 թվականին ընդունվել է Երևանի պարարվեստի ուսումնարան, զուգահեռ սովորել է քամանչա նվագել։ 1949 թվականին ընդունվել է Ռոմանոս Մելիքյանի անվան երաժշտական ուսումնարան, 1955 թվականին՝ Երևանի Կոմիտասի անվան պետական կոնսերվատորիա:

1957 թվականին Երիտասարդական 6-րդ համաշխարհային փառատոնին մասնակցելու համար ձևավորում է Եղեգնաձորի մարզային երգի ու պարի համույթը, որը կատարելով Մադակունյանի «Արփայի հովտում» ստեղծագործությունը, դառնում է փառատոնի ոսկե մեդալակիր։

1961 թվականին Մանդակունյանը հրավիրվում է զբաղեցնելու ժողովրդական արվեստի ընկերակցության տնօրենի պաշտոնը, կազմակերպում է հայ կոմպոզիտորների համերգը Կրեմլի դահլիճում, մեծ շուքով կազմակերպում է Սայաթ Նովայի ծննդյան 250-ամյակը։ Այս շրջանում Մանդակունյանը ստեղծում է «Անի», «Արաքսի ափին», «Վան», «Ղարաբաղ» ազգային երգերը[1]: 1955-1974 թվականներին եղել է ԽՍՀՄ կոմպոզիտորների միության անդամ։ 1966 թվականին ղեկավարել է Հեռուստատեսության և ռադիոյի պետական նվագախումբը։

Խորհրդային տարիներին Մանդակունյանի երգերն արգելվել են Հայաստանում: 1974 թվականից Մանդակունյանն ապրում և ստեղծագործում է ԱՄՆ-ում։ 1976 թվականին Հոլիվուդում հիմնադրել է Սպենդիարյան երաժշտական ակադեմիան, նույն թվականին Լոս Անջելեսում հիմնել է հայկական ժողովրդական նվագախումբ։ 1977 թվականից Ամերիկյան կոմպոզիտորների, հեղինակների ու հրատարակիչների ընկերակցության (ASCAP) անդամ է։

ԾանոթագրություններԽմբագրել

Արտաքին հղումներԽմբագրել