Արման Դորյան
Արման Դորյան (անգլ.՝ Armand Dorian, 1973, Լոս Անջելես, Կալիֆոռնիա, ԱՄՆ), հայազգի ամերիկացի բժիշկ, Վերդագո Հիլզ հիվանդանոցի բժիշկ ռեանիմատոլոգ, հեռուստատեսային բժշկական խորհրդատու, դերասան, հեռուստահաղորդավար, ձեռնարկատեր։
Արման Դորյան | |
---|---|
Ծնվել է | 1973 |
Ծննդավայր | Լոս Անջելես, Կալիֆոռնիա, ԱՄՆ |
Քաղաքացիություն | ԱՄՆ |
Կրթություն | Լոս Անջելեսի կալիֆոռնյան համալսարան և Հավայան կղզիների համալսարան |
Գիտական աստիճան | բժշկական գիտությունների դոկտոր |
Մասնագիտություն | բժիշկ |
Կենսագրություն խմբագրել
Բժիշկ խմբագրել
Հայ գաղթականների որդի է՝ ծնունդով Լոս Անջելեսից։ Դպրոցական ավարտական դասարանում հայտնի է եղել որպես հրաժեշտի խոսք ասող՝ «վալեդիկտոր» (անգլ.՝ valedictorian): Ավարտել է Լոս Անջելեսի կալիֆոռնյան համալսարանի կենսաբանության ֆակուլտետը, ստացել դոկտորի աստիճան[1]։ Զբաղվել է մարդու գենետիկայի և արևադարձային կենսաբանության բնագավառում հետազոտություններով[1]։ Բժշկական գիտությունների դոկտորի գիտական աստիճան ստացել է Հավայան համալսարանին կից Ջոն Ա. Բրյոնսի անվան բժշկական դպրոցից[2]՝ պաշտպանելով դիպլոմային աշխատանքը այլընտրանքային և ամբողջական բժշկության կիրառումը թեմայով։ Հետագա պրակտիկան անցել է ապագա շտապօգնության բժիշկների համար հատուկ ծրագրով Կալիֆորնիայի համալսարանին կից Վեստվուդի և Օլայվ Վյու հոսպիտալներում և շուտով դարձել Ռեանիմատոլոգնրի ամերիկյան քոլեջի գործընկերը։ Վերդագո Հիլզ հիվանդանոցում զբաղեցրել է ռեանիմատոլոգի պաշտոնը, հետագայում՝ առաջխաղացման և ֆինանսական բաժնի վարիչի պաշտոնը[3]։
Գործարար խմբագրել
Էներգետիկ ըմպելիքների շուկայում Դորյանը գովազդում է նոր ըմպելիք, որը կոչվում է «DOX Cardio Water», որը պարունակում է կարմիր գինու հակաօքսիդանտ ռեսվերատրոլ։ Դորյանին է պատկանում նաև «Fastercare» առաջին բուժօգնության կլինիկաների ցանցը։ Նա զբաղեցնում է «Superior Home Health Services Inc.» վերականգնողական կենտրոնի տնօրենի պաշտոնը։ Երկու անգամ անընդմեջ շահել է Home Care Elite մրցանակը։
Հեռուստատեսությունում խմբագրել
Արման Դորյանը հայտնի է որպես «Մահաբեր մարտիկ» հեռուստաշոուի հաղորդավար և բժշկական խորհրդատու, որտեղ նա վերլուծում է սառը, նետման, հրազենի և այլ զինատեսակների պատճառած վնասը։ Նա հետազոտություններ է անցկացնում փրփրապլաստից կամ բալիստիկ գելից պատրաստված մանեկենների, ինչպես նաև խոզերի և կովի մարմինների վրա։
Երեք սեզոնների ընթացքում խաղացել է ինքն իր դերը «Շտապ օգնության չպատմված պատմություններ» (անգլ.՝ Untold Stories of the ER) հեռուստատեսային վավերագրական հեռուստասերիալում, ինչպես նաև եղել է «Երեք գետեր» հեռուստասերիալում հրավիրված աստղ։ Նկարահանվել է «Ապոկալիպսիսի յոթ նշանները» (անգլ.՝ The Seven Signs of the Apocalypse) և «Ախտորոշում X» (անգլ.՝ Diagnosis X) վավերագրական ֆիլմերում։ Աշխատել է որպես խորհրդատու «Գրեյի անատոմիա», «Մեր կյանքի օրերը», «Շտապ օգնություն» և «Hawthorne» հեռուստասերիալներում[4]։
Ծանոթագրություններ խմբագրել
- ↑ 1,0 1,1 DR. RICHARD A. GATTI // PERSPECTIVES AND GOALS Արխիվացված 2011-10-08 Wayback Machine(անգլ.)
- ↑ «John A. Burns School of Medicine: About Us». hawaii.edu. Արխիվացված է օրիգինալից 2011 թ․ օգոստոսի 18-ին.
- ↑ An emergency room physician’s imprint on ER Արխիվացված 2014-12-18 Wayback Machine(անգլ.)
- ↑ «Armand Dorian». IMDb. Վերցված է 2016 թ․ մարտի 15-ին.