Արծրունի Աղաջանյան
քաղաքական գործիչ
- Վիքիպեդիայում կան հոդվածներ Աղաջանյան ազգանունով այլ մարդկանց մասին։
Արծրունի Կնյազի Աղաջանյան (նոյեմբերի 21, 1955, Արթիկ, Հայկական ԽՍՀ, ԽՍՀՄ), ՀՀ պետական և քաղաքական գործիչ։
Արծրունի Աղաջանյան | |
---|---|
Ծնվել է | նոյեմբերի 21, 1955 (68 տարեկան) |
Ծննդավայր | Արթիկ, Հայկական ԽՍՀ, ԽՍՀՄ |
Քաղաքացիություն | Հայաստան |
Մայրենի լեզու | հայերեն |
Կրթություն | Հայաստանի պետական տնտեսագիտական համալսարան |
Մասնագիտություն | քաղաքական գործիչ և տնտեսագետ |
Զբաղեցրած պաշտոններ | Հայաստանի Ազգային ժողովի պատգամավոր |
Կուսակցություն | Օրինաց երկիր |
Կայք | parliament.am/deputies.php?sel=details&ID=292&lang=arm |
Կրթություն խմբագրել
- 1974-1979 թթ. սովորել և ավարտել է Երևանի ժողովրդական տնտեսության ինստիտուտը՝ տնտեսագետի որակավորմամբ։
Աշխատանքային գործունեությունը խմբագրել
- 1979-1981 թթ. - ծառայել է Խորհրդային բանակում։
- 1981-1986 թթ. - Արթիկի շրջխորհրդի գործկոմի հրահանգիչ։
- 1986-1988 թթ. - Հոռոմի տրիկոտաժի ֆաբրիկայի տնօրեն։
- 1988-1999 թթ. - Արթիկի գուլպայի ֆաբրիկայի փոխտնօրեն։
- 2011 թվականից - «Հայասի գրուպ» ընկերության տնօրեն։
Քաղաքական գործունեություն խմբագրել
- ՕԵԿ անդամ։
- 1999 թ. մայիսի 30-ին ԱԺ պատգամավոր է ընտրվել «Օրինաց երկիր» կուսակցության համամասնական ընտրացուցակով։ ԱԺ սոցիալական, առողջապահության և բնության պահպանության հարցերի մշտական հանձնաժողովի անդամ։ «Օրինաց երկիր» խմբակցության անդամ։
- 2003-2005 թթ. - Շիրակի մարզպետի տեղակալ։
- 2005 թ. մայիսի 23-ին ՀՀ վարչապետի որոշմամբ ազատվել է Շիրակի մարզպետի տեղակալի պաշտոնից[1]։
- 2005 թ. հունիսի 20-ին ՀՀ վարչապետի որոշմամբ նշանակվել է ՀՀ աշխատանքի և սոցիալական հարցերի նախարարի տեղակալ[2]։
- 2006 թ. մայիսի 13-ին ՀՀ վարչապետի որոշմամբ ազատվել է ՀՀ աշխատանքի և սոցիալական հարցերի նախարարի տեղակալի պաշտոնից[3]։
- 2006-2008 թթ. - «Օրինաց երկիր» կուսակցությունում կատարել է կուսակցական աշխատանք։
- 2008 թ. ապրիլի 23-ին ՀՀ Ազգային ժողովի 4-րդ գումարման պատգամավոր է ընտրվել «Օրինաց երկիր» կուսակցության համամասնական ընտրացուցակով։ Առողջապահության, մայրության և մանկության հարցերի մշտական հանձնաժողովի անդամ։ 2008 թ. մայիսի 7-ից օգոստոսի 21-ը - Տնտեսական հարցերի մշտական հանձնաժողովի անդամ, 2008 թ. օգոստոսի 21-ից 2011 թ. մարտի 21-ը - Ֆինանսավարկային և բյուջետային հարցերի մշտական հանձնաժողովի անդամ, 2010 թ. հոկտեմբերի 29-ից 2011 թ. մարտի 21-ը - Տնտեսական հարցերի մշտական հանձնաժողովի անդամ, 2009 թ. փետրվարի 2-ից սեպտեմբերի 15-ը - 2008 թվականի մարտի 1-2 Երևան քաղաքում տեղի ունեցած իրադարձությունների և դրանց պատճառների ուսումնասիրության ժամանակավոր հանձնաժողովի անդամ։
- 2008 թ. օգոստոսի 21-ին ընտրվել է «Օրինաց երկիր» խմբակցության քարտուղար՝ պաշտոնավարելով մինչև 2011 թ. մարտի 21-ը։
- 2011 թ. մարտի 21-ին պատգամավորական լիազորությունները դադարեցվել են «Հայասի գրուպ» ընկերության տնօրեն նշանակվելու կապակցությամբ։
- Անկուսակցական։
Ամուսնացած է, ունի չորս երեխա։
Նախորդող Խաչիկ Հարությունյան |
ՀՀ Ազգային Ժողովի «Օրինաց երկիր» խմբակցության քարտուղար Արծրունի Աղաջանյան 21 օգոստոսի 2008 թ. - 21 մարտի 2011 թ. |
Հաջորդող Մարզպետունի Մանուկյան |
Ծանոթագրություններ խմբագրել
- ↑ «Ա. ԱՂԱՋԱՆՅԱՆԻ ՄԱՍԻՆ». Արխիվացված է օրիգինալից 2019 թ․ մայիսի 27-ին. Վերցված է 2015 թ․ ապրիլի 17-ին.
- ↑ «Ա. ԱՂԱՋԱՆՅԱՆԻ ՄԱՍԻՆ». Արխիվացված է օրիգինալից 2019 թ․ մայիսի 27-ին. Վերցված է 2015 թ․ ապրիլի 17-ին.
- ↑ «Ա. ԱՂԱՋԱՆՅԱՆԻ ՄԱՍԻՆ». Արխիվացված է օրիգինալից 2019 թ․ մայիսի 27-ին. Վերցված է 2015 թ․ մայիսի 18-ին.