Արթուր Հովհաննիսյան (քաղաքական գործիչ)
Արթուր Ղարիբի Հովհաննիսյան (մայիսի 26, 1990, Երևան, Հայկական ԽՍՀ, ԽՍՀՄ), հայ կուսակցական, քաղաքական գործիչ, Քաղաքացիական պայմանագիր կուսակցության անդամ, Հայաստանի 7-րդ («Իմ քայլը» դաշինքից) և 8-րդ («ՔՊ» կուսակցությունից) գումարումների Ազգային ժողովի պատգամավոր, ՀՀ Ազգային ժողովի «Քաղաքացիական պայմանագիր» խմբակցության քարտուղար[1]։
Արթուր Հովհաննիսյան | |||
| |||
---|---|---|---|
Նոյեմբերի 15, 2021 թվական - ներկա | |||
| |||
Օգոստոսի 2, 2021 թվական - ներկա | |||
| |||
Հունիսի 10, 2019 թվական - Օգոստոսի 2, 2021 թվական | |||
Կուսակցություն՝ | «Քաղաքացիական պայմանագիր» կուսակցություն | ||
Կրթություն՝ | ԵՊՀ, լրագրության ֆակուլտետ | ||
Մասնագիտություն՝ | Լրագրող | ||
Գործունեություն՝ | Պետական, քաղաքական գործիչ | ||
Ազգություն | հայ | ||
Ծննդյան օր | Մայիսի 26, 1990 թվական | ||
Ծննդավայր | Հայաստան, Երևան |
Կենսագրություն խմբագրել
Արթուր Հովհաննիսյանը ծնվել է 1990 թ. մայիսի 26-ին Երևանում։ 2008-2010 թթ. ծառայել է Հայաստանի զինված ուժերում։
Կրթություն խմբագրել
2007-2008 թվականներին սովորել է Մոնթե Մելքոնյանի անվան համալսարանի լրագրության ֆակուլտետում։ 2016 թվականին ավարտել է Երևանի պետական համալսարանի լրագրության ֆակուլտետը։
Աշխատանքային գործունեությունը խմբագրել
2012-2013 թվականներին աշխատել է Ա1+ հեռուստաընկերության լրագրող[2]։ 2013-2015 թվականներին զբաղվել է անհատ ձեռներեցությամբ։ 2015-2016 թվականներին եղել է Հ3 հեռուստաընկերության լրագրող։
2016-2017 թվականներին «Առաջին լրատվական» կայքի լրագրող, լրատվական թողարկումների մեկնաբան, տեսանկարահանման բաժնի պրոդյուսեր[3], 2017-2018 թվականներին եղել է Para.tv առցանց հեռուստաընկերության գլխավոր պրոդյուսեր։ 2018-2019 թվականներին եղել է Հայաստանի վարչապետի աշխատակազմի հանրային կապերի և տեղեկատվության կենտրոն ՊՈԱԿ-ի տնօրենի առաջին տեղակալ[4]։
Քաղաքական գործունեություն խմբագրել
Հունիսի 10, 2019 - օգոստոսի 2, 2021թթ. եղել է ՀՀ ԱԺ 7-րդ գումարման պատգամավոր «Իմ քայլը» կուսակցությունների դաշինքի համապետական ընտրական ցուցակով[5]։ ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի անդամ։
2021 թ. հունիսի 20-ին ՀՀ ԱԺ 8-րդ գումարման պատգամավոր է ընտրվել «Քաղաքացիական պայմանագիր» կուսակցության համապետական ընտրական ցուցակով։ ՀՀ ԱԺ մարդու իրավունքների պաշտպանության և հանրային հարցերի մշտական հանձնաժողովի անդամ[1]։
Ընտանիք խմբագրել
Ամուսնացած է, ունի երկու զավակ։
Ծանոթագրություններ խմբագրել
- ↑ 1,0 1,1 «National Assembly of Armenia | Official Web Site | parliament.am». www.parliament.am. Վերցված է 2023 թ․ փետրվարի 7-ին.
- ↑ «A1Plus». A1Plus. Վերցված է 2023 թ․ փետրվարի 8-ին.
- ↑ Technologies, Peyotto. «1in.am». 1in.am. Վերցված է 2023 թ․ փետրվարի 8-ին.
- ↑ LLC, Helix Consulting. «Աշխատակազմ - Վարչապետի աշխատակազմ - Հայաստանի Կառավարություն». www.gov.am (անգլերեն). Վերցված է 2023 թ․ փետրվարի 8-ին.
- ↑ «National Assembly of Armenia | Official Web Site | parliament.am». www.parliament.am. Վերցված է 2023 թ․ փետրվարի 7-ին.