Արթուր Աքշելյան
Արթուր Աքշելյան (դեկտեմբերի 28, 1984, Երևան, Հայկական ԽՍՀ, ԽՍՀՄ), կոմպոզիտոր։ «Ասոնանս» անսամբլի դիրիժոր[1]։
Արթուր Աքշելյան | |
---|---|
Ծնվել է | դեկտեմբերի 28, 1984 (39 տարեկան) Երևան, Հայկական ԽՍՀ, ԽՍՀՄ |
Մասնագիտություն | կոմպոզիտոր |
Կրթություն | Երևանի Կոմիտասի անվան պետական կոնսերվատորիա |
Կենսագրություն խմբագրել
2007 թվականին ավարտել է Երևանի Կոմիտասի անվան պետական կոնսերվատորիան՝ Վարդան Աճեմյանի ստեղծագործական դասարանը։ 2008 թվականին տեղափոխվել է Շվեյցարիա։ Նույն թվականին ընդունվել է Ժնևի երաժշտական բարձրագույն դպրոցը, որտեղ կատարելագործվել է հանրահայտ կոմպոզիտոր Միքաել Ժարրելի դասարանում (MA in Arts): Մի շարք հանդիպումներ է ունեցել կոմպոզիտորներ Ստեֆանո Գերվազոնիի, Պոլ Մեֆանոյի, Անրի Դյուտիյոյի, Աշոտ Զոհրաբյանի, Տիգրան Մանսուրյանի, Սոֆյա Գուբայդուլինայի հետ։
Մասնակցել է կանադական «Domaine Forget» և անգլիական «Arditti» քառյակների մասնագիտական դասընթացներին։ Համագործակցել է ճանաչված անսամբլների («Insomnio», Հոլանդիա, «Contrechamps», Ժնև, «Nouvel Ensemble Moderne», Քվեբեկ) և երաժիշտների (Արթուր Ավանեսով, Հայկ Մելիքյան և ուրիշների) հետ։
Մրցանակներ խմբագրել
- Կոմպոզիտորների միջազգային մրցույթների դափնեկիր,
- 1-ին մրցանակ, 2007, «Pre-Art», Ցյուրիխ,
- Յուրգենսոնի անվան, 3-րդ մրցանակ, Շուշանիկ Ափոյան, 2010, Մոսկվա,
- «Գաուդեամուս», պատվավոր դիպլոմ, 2010, Հոլանդիա,
- Ժնևի մրցույթի գլխավոր մրցանակ, 2012,
- Kiefer-Hablitzel մրցանակ, 2012։
Ծանոթագրություններ խմբագրել
- ↑ «ԵՊԿ դասախոսը երկրորդ տեղն է գրավել կոմպոզիտորական երրորդ միջազգային մրցույթում». 2021 թ․ մարտի 8. Վերցված է 2023 թ․ հունվարի 23-ին.
Արտաքին հղումներ խմբագրել
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |