Արաքս (թերթ, Բոստոն)
«Արաքս», գրական-հասարակական, պատմագիտական և քաղաքական շաբաթաթերթ (1907 թվականին՝ ամսաթերթ)։
| Արաքս | |
|---|---|
| Տեսակ | շաբաթաթերթ |
| Գլխավոր խմբագիր | Հովհաննես Հակոբյան |
| Հիմնադրվել է | 1905 |
| Հրատարակման վայր | Բոստոն և Նյու Յորք |
Պատմություն խմբագրել
Լույս է տեսել 1905–1907 թվականներին Բոստոնում, ապա՝ Նյու Յորքում։ Խմբագիր՝ Վարդ Շահենի (Հովհաննես Հակոբյան)։
Տպագրել է նամակներ արևմտահայ գավառներից, ներկայացրել հայ գյուղացու տնտեսական ու քաղաքական ծանր դրությունը։
Չհարելով որևէ կուսակցության՝ «Արաքս»-ը քարոզել է արևմտահայ ազգային-ազատագրական պայքարի գաղափարը, դատապարտել ազգամիջյան ընդհարումները Կովկասում՝ համարելով այն որպես ցարիզմի ազգային քաղաքականության հետևանք, տպագրել է ռուս գրող Մաքսիմ Գորկու նամակը Սյուալ Րայթին, որտեղ բացատրված են կոտորածների բուն շարժառիթները, դրանց հակադրել է Կովկասի ժողովուրդների բարեկամության գաղափարը։
«Արաքս» համակրանքով է հետևել ռուսական առաջին բուրժուադեմոկրատական հեղափոխությանը, տպագրել «Ընկերվարութիւն» ծավալուն հոդվածաշարը։
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|