Արամայիս Սարգսյան (եֆրեյտոր)
- Անվան այլ կիրառումների համար տե՛ս՝ Արամայիս Սարգսյան (այլ կիրառումներ)
Արամայիս Ասատուրի Սարգսյան (Սարկիսով) (1922, գյուղ Տեղ, ՀԽՍՀ Գորիսի շրջանում - 1944, հունիսի 5, գյուղ Բալբետչա, ԲԽԱՀ Վիտեբսկի մարզի Սիրոտինոյի շրջանում), Խորհրդային Միության հերոս (22․7․1944, հետմահու), գվարդիայի եֆրեյտոր։
Արամայիս Սարգսյան | |
---|---|
1922-1944 | |
Ծննդավայր | Տեղ, Գորիսի շրջան |
Մահվան վայր | Բալբետչա, ԲԽԱՀ Վիտեբսկի մարզի Սիրոտինոյի շրջան |
Գերեզման | Միշկովիչի |
Կոչում | եֆրեյտոր |
Մարտեր/ պատերազմներ | Հայրենական մեծ պատերազմ |
Պարգևներ | Խորհրդային Միության հերոս |
Հայրենական մեծ պատերազմի սկզբից կամավոր մեկնել է ռազմաճակատ։ Նախկին 76-րդ հայկական լեռնահրաձգային դիվիզիայի (վերակազմվել է 51-րդ գվարդիականի) կազմում մասնակցել է Ստալինգրադի ճակատամարտին, Բելառուսիայի ազատագրմանը։ Եղել է գնդացրային հաշվարկի հրամանատար։
Հերոսի կոչման արժանացել է Արևմտյան Դվինայի գետանցման ժամանակ ցուցաբերած խիզախության և անձնազոհության համար (իր մարմնով ծածկելով հրամանատարին՝ փրկել է նրա կյանքը)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 221)։ |