Ասք Սիյավուշի մասին
Ասք Սիյավուշի մասին (տաջ.՝ Достони Сиёвуш, ռուս.՝ Сказание о Сиявуше), խորհրդային գեղարվեստական կինոնկար, որը նկարահանվել է 1976 թվականին, ռեժիսոր Բորիս Կիմյագարովի կողմից` Ֆիրդուսու «Շահնամե» վիպերգության մոտիվներով։ Կինոնկարը նշված թեմայով նկարահանված կինոեռապատումի երրորդ ֆիլմն է, բաղկացած երկու մասից` «Սիյավուշ և Սուդաբա» և «Եղջերուի դրոշի ներքո»։
Երկիր | ԽՍՀՄ |
---|---|
Ժանր | էպոս և ֆենթեզի ֆիլմ |
Թվական | 1976 |
Լեզու | ռուսերեն |
Ռեժիսոր | Բորիս Կիմյագարով |
Դերակատարներ | Բիմբոլատ Վատաև և Օթար Կոբերիձե |
Օպերատոր | Դավլաթնազար Խուդոնազարով |
Երաժշտություն | Արիֆ Մելիքով |
Կինոընկերություն | Տաջիկֆիլմ |
Նախորդ | Ռոստամ և Սոհրաբ |
Սյուժեն խմբագրել
Ազնվազարմ և մաքրասիրտ արքայազն Սիյավուշը Իրանի շահ Քավուսի որդին էր և դյուցազն Ռոստամի սանը։ Նրա երիտասարդ խորթ մայրը` Սուդաբան, երդվել էր վրեժ լուծել Սիյավուշից, քանի որ վերջինս մերժել էր իր սերը։ Այդ ընթացքում Իրան են ներխուժում Թուրանի տիրակալ Աֆրասիաբի զորքերը, սակայն իրանցիները, Սիյավուշի առաջնորդությամբ հաղթում են թշնամիներին։ Ի նշան հաշտության, Աֆրասիաբը պատանդներ է ուղարկում, սակայն Իրանի ծեր շահ Քավուսը հրամայում է մահապատժի ենթարկել նրանց։ Իր հոր նենգությունից ցնցված, Սիյավուշը լքում է Իրանը։
Նա հանդիպում է գեղեցկուհի Ֆարանգիզին` Աֆրասիաբի դստերը, ամուսնանում նրա հետ, հիմնում նոր և հիասքանչ քաղաք, որտեղ բնակեցնում է միայն երիտասարդների։
Նենգավոր Սուդաբան Աֆրասիաբի մոտ զրպարտում է Սիյավուշին։ Աֆրասիաբը զայրույթի պահին հրամայում է մահապատժի ենթարկել իր փեսային։ Հասկանալով, որ այդ դեպքում անխուսափելի է պատերազմը Իրանի և Թուրանի միջև, արյունահեղությունը կանխելու նպատակով Սիյավուշը ինքնասպան է լինում։
Դերասանական կազմ խմբագրել
Դերակատար | Կերպար |
---|---|
Բիմբոլատ Վատաև | Ռոստամ |
Ֆարխադ Յուսուֆով | Սիյավուշ |
Օթար Կոբերիձե | Քավուս |
Սվետլանա Օռլովա | Սուդաբա |
Դիլորոմ Կամբարովա | Ֆարիդա |
Խաբիբուլլո Աբդուռազակով | Բահրամ |
Գուրմինջ Զավկիբեկով | Գարսիվազ |
Ֆայմե Յուրնո | Ֆարանգիզ |
Նկարահանող խումբ խմբագրել
Կինոգործիչ | Ներդրումը |
---|---|
Բորիս Կիմյագարով | ռեժիսոր |
Գրիգորի Կոլտունով | սցենարիստ |
Դավլաթնազար Խուդոնազարով | օպերատոր |
Արիֆ Մելիքով | կոմպոզիտոր |
- 1977 թվականին, Ռիգայում կայացած 10-րդ Համամիութենական կինոփառատոնում, կինոնկարն արժանացել է մրցանակի[1]։
Ծանոթագրություններ խմբագրել
- ↑ КИНО: Энциклопедический словарь, главный редактор С.И. Юткевич, М. Советская энциклопедия, 1987, с.82-83