Ասրաֆ

Ասրաֆ, գյուղ Արևմտյան Հայաստանում, Վանի վիլայեթի Արճեշի գավառակում։ Գտնվում էր Արճեշ քաղաքից 14-15 կմ արևմուտք, ծառազարդ և այգեվետ վայրում, Վանա լճի հյուսիսային կողմում, Արճեշ գետի հովտում, Սիփան լեռան ստորոտին։

Գյուղ
Ասրաֆ
Վարչական տարածք	Արևմտյան Հայաստան
Վիլայեթ	Վանի վիլայեթՎանի վիլայեթ
Գավառակ	Արճեշի գավառակ
Այլ անվանումներ	Ակսարայ, Աղսրավ, Աղսրաֆ, Աղսուրաֆ, Ասկարա, Ասռաֆ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	աղսրաֆցի
Ժամային գոտի	UTC+3
Փոստային ինդեքսներ	65400
Ասրաֆ (Աշխարհ)

Պատմություն

1895 թվականի կոտորածների ժամանակ գյուղն ավերվեց, սակայն հետո վերածնվեց։ Գյուղն ավերվեց 1915 թվականի Մեծ եղեռնի ժամանակ։ Ասրաֆի բնակիչների մեծ մասը զոհվեց, իսկ փոքր մասը ապաստան է գտել Արևելյան Հայաստանում։

Բնակչություն

1850-ական թվականներին ամբողջովին հայաբնակ էր և ուներ 48 տուն՝ 323 հայ բնակչով։ XX դարի սկզբին ուներ 30 տուն հայ բնակիչ։ Ոչ հավաստի տվյալներով 1931 թվականին Ասրաֆում ապրում էին բռնի մուսուլմանացված 32 հայ ընտանիք։

Տնտեսություն

Զբաղվում էին երկրագործությամբ և այգեգործությամբ։ Ասրաֆը Արճեշի շրջանի նշանավոր գյուղերից էր, հատկապես հայտնի իր ընտիր գինիներով։

Պատմամշակութային կառույցներ

Ասրաֆն ուներ Ս. Աստվածածին անունով հոյակապ եկեղեցի։

Կրթություն

Գյուղում գործում էր հայկական վարժարան։

Տես նաև

• Վանի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 596)։