Ապողնակ

Ապողնակ, գյուղ Արևմտյան Հայաստանում, Էրզրումի վիլայեթի Քղիի գավառակում, Բաթգյոլ լեռան լանջին։

Գյուղ
Ապուղնակ
Վարչական տարածք	Օսմանյան Կայսրություն
Վիլայեթ	Էրզրումի գավառԷրզրումի գավառ
Գավառակ	Քղիի գավառակ
Այլ անվանումներ	Աբողանք, Ապղնակ, Ապոզնակ, Ապողղնաք, Ապուղնակ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	ապողնակցի
Ժամային գոտի	UTC+3
Փոստային ինդեքսներ	12600
Ապողնակ (Աշխարհ)

Ապողնակի մոտակայքում էր Ապողնակի գեղատեսիլ բուժարար լիճը։

Անվան ստուգաբանություն

Ենթադրվում է, որ գյուղի անունը ծագել է 2 կմ հեռավորության վրա գտնվող Ապողոն բերդի անունից։

Պատմություն

Մեծ եղեռնի ժամանակ թուրք իշխանությունները Ապողնակի բնակիչներին տեղահան արեցին և Աստղաբերդ, Սեղանք, Օսնակ և Ծերմաք գյուղերի բնակիչների հետ կոտորեցին Քուլքանա (Քուլքան) ձորում։ Աղետից փրկվածները տարագրվեցին օտար երկրներ։

Բնակչություն

XX դարի սկզբին ուներ 75 տուն՝ 1000 հայ բնակչով։

Տնտեսություն

Զբաղվում էին հողագործությամբ, անասնապահությամբ, պտղաբուծությամբ, արհեստներով՝ կտավագործությամբ, ներկարարությամբ։

Պատմամշակութային կառույցներ

Ապողնակն ուներ աղյուսակերտ Ս. Հակոբ անունով եկեղեցի։ Ապողնակի մոտ էր գտնվում Ս. Կիրակոս դպրեվանքը (հայտնի նաև Օսնակի Ս. Կիրակոս անունով)՝ կառուցված սրբատաշ քարերով։ Պատերին կային հայերեն արձանագրություններ։

Կրթություն

Գյուղն ուներ վարժարան։

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 511)։