Անուշեհ Անսարի
Անուշեհ Անսարի ծննդով Անուշեհ Ռաիսյան (պարս.՝ انوشه انصاری, անգլ.՝ Anousheh Ansari, սեպտեմբերի 12, 1966, Մաշհադ, Իրան)[1], իրանական ծագումով ամերիկացի գիտնական, Prodea systems, Inc. ընկերության համահիմնադիր 2006 թվականի սեպտեմբերի 18-ին դարձել է աշխարհի առաջին կին տիեզերական տուրիստը։
| Անուշեհ Անսարի انوشه انصاری | |
|---|---|
 | |
| Ծնվել է | սեպտեմբերի 12, 1966 (57 տարեկան) |
| Ծննդավայր | Մաշհադ, Իրան |
| Քաղաքացիություն |  ԱՄՆ և  Իրան |
| Կրոն | անկրոնություն |
| Կրթություն | Ջորջ Մեյսոնի համալսարան և Ջորջ Վաշինգտոն համալսարան |
| Մասնագիտություն | գործարար, տիեզերագնաց, ճարտարագետ, աստղագետ, ձեռնարկատեր, private space traveler և գործադիր տնօրեն |
| Պարգևներ և մրցանակներ | |
| Կայք | anoushehansari.com |
 Anousheh Ansari Վիքիպահեստում | |
Կենսագրություն խմբագրել
Անուշեն ծնվել է Իրանի հյուսիսարևելյան Մաշհադ քաղաքում։ Ըստ Անուշեհ Անսարիի ինքը պարսկական արմատներ ունի և հպարտանում է դրանով[1]։ Անսարիի տիեզերագնացների խումբ ընդգրկվելուց հետո ադրբեջանական մի շարք լրատվամիջոցներ, հաղորդագրության մեջ սխալներ թույլ տալով, հայտարարել են, որ նա էթնիկ ադրբեջանցի է։ Սխալներից մեկը նաև նրա ծննդյան վայրն էր[2][3]։ Էթնիկ ծագման և ծննդյան վայրի մասին այս սխալը դրանից հետո տարածել են մի շարք ռուսական լրատվամիջոցներ[4][5][6]։
Անուշեի ծննդից հետո նրա ծնողները տեղափոխվել են Թեհրան, որտեղ անցել է նրա մանկությունն ու պատանեկությունը։ 1984 թվականին նա տեղափոխվել է ԱՄՆ, քանի որ նրա ծնողներն ուզում էին, որ նա լավ կրթություն ստանա և զբաղվի գիտությամբ։ Անուշեն Ջորջ Մեյսոնի համալսարանում ստացել է բակալավրի աստիճան, որտեղ զբաղվել է տեղեկատվությամբ և էլեկտրոնիկայով։ Մագիստրոսի աստիճան ստացել է Ջորջ Վաշինգտոնի համալսարանում։
Ուսումն ավարտելուց հետո Անուշեն աշխատանք է գտել MCI, Inc. կազմակերպությունում, որտեղ ծանոթացել է Համիդ Անսարիի հետ, որի հետ էլ ամուսնացել է 1991 թվականին։ 1993 թվականին Անուշեն, Համիդը և նրա եղբայր Ամիրը հիմնել են Telecom Technologies, Inc. (TTI) ընկերությունը։ Անուշեն եղել է ընկերության գործադիր տնօրենը։ 2000 թվականին նրանք վաճառել են TTI-ը Sonus Networks, Inc. ընկերությանը 550 մլն դոլարով։ Դրանից անմիջապես հետո TTI-ի արժեթղթերի գինը կտրուկ ընկել է և Sonus Networks ընկերությունը վիճարկել է վաճառքը, և Այսարիները մեղադրվել են ինսայդերյան առևտրի մեջ (անգլ.՝ Insider trading)։
Անուշեն X Prize հիմնադրամի հոգաբարձուների խորհրդի անդամ է։ Անսարիների ընտանիքը միլիոնների ներդրում է կատարել հիմնադրամում և դարձել է Ansari X Prize մրցանակի (նախնական անունը՝ X Prize) անվանական հովանավորը, որը տրվում էր առաջին մասնավոր մերձուղեծրային տիեզերանավին։ 2004 թվականի հոկտեմբերի 4-ին մրցանակը շահել են SpaceShipOne տիեզերանավը նախագծող Tier One նախագծի մասնակիցները։
2006 թվականի փետրվարին Անսարիների ներդրումային Prodea Systems, Inc. ընկերությունը, հայտարարել է Space Adventures, Ltd. և Ռուսաստանի դաշնային տիեզերական ընկերության հետ համագործակցության մասին, որի արդյունքում պետք է ստեղծվեր առևտրային օգտագործման մերձտիեզերական տիեզերանավերի տորմիղ։
Բացի մայրենի պարսկերենից Անուշեն ազատ տիրապետում է անգլերենի և ֆրանսերենի։ Տիեզերական թռիչքի նախապատրաստական շրջանում սովորել է խոսակցական մակարդակի ռուսերեն։
- Տիեզերական թռիչքից
-
ՄՏԱ «Զվեզդա»-ի մոդուլում -
Վայրէջքից անմիջապես հետո
Ծանոթագրություններ խմբագրել
- ↑ 1,0 1,1 "Anousheh Ansari Proud of Being Iranian Muslim ", 2008-12-10. Fars news agency. Քաղվածք։ «I have always advertised my Persian roots and I’m proud to do so. I always start my story by telling everyone that I was born in Iran and show the map of Iran with my place of birth, Mashhad.»[1]
- ↑ Азербайджанка полетит в космос Արխիվացված 2008-04-08 Wayback Machine. «Ансари, которая родилась в 1967 году в Тегеране в азербайджанской семье, с детства мечтала стать астронавтом».
- ↑ Day.Az. Азербайджанка полетела в космос Արխիվացված 2010-07-31 Wayback Machine. «Наша соотечественница родилась в Тегеране и после исламской революции эмигрировала в США».
- ↑ На МКС полетит в качестве космического туриста американская миллионерша Ануше Ансари, эмигрантка из Ирана
- ↑ «Космос и Кондопога». Արխիվացված է օրիգինալից 2007 թ․ ապրիլի 22-ին. Վերցված է 2007 թ․ ապրիլի 22-ին.
- ↑ Азербайджанка полетит в космос
Արտաքին հղումներ խմբագրել
- Interview with Anousheh Ansari: Iran's first space explorer Արխիվացված 2021-05-01 Wayback Machine
- Космический блог Ануше Ансари Արխիվացված 2006-10-04 Wayback Machine (անգլ.)
- Дневник Ануше Ансари о полете на МКС в 2006 году Արխիվացված 2011-07-07 Wayback Machine (ռուս.)
 | Վիքիպահեստն ունի նյութեր, որոնք վերաբերում են «Անուշեհ Անսարի» հոդվածին։ |