Անյոլո դի Պոլո
Անյոլո դի Պոլո (իտալ.՝ Agnolo di Polo), 1470[1][2], Ֆլորենցիա, Ֆլորենցիայի Հանրապետություն - 1528[2], Արեցո, Տոսկանա, Իտալիա),Վերածննդի դարաշրջանի իտալացի քանդակագործ և նկարիչ։
Անյոլո դի Պոլո իտալ.՝ Agnolo di Polo | |
|---|---|
 | |
| Ծնվել է | 1470[1][2] |
| Ծննդավայր | Ֆլորենցիա, Ֆլորենցիայի Հանրապետություն |
| Վախճանվել է | 1528[2] |
| Մահվան վայր | Արեցո, Տոսկանա, Իտալիա |
| Մասնագիտություն | քանդակագործ |
 Agnolo di Polo Վիքիպահեստում | |
_01.jpg)
Կենսագրություն խմբագրել
Անյոլո դի Պոլոն պատկանում է հայտնի քանդակագործների գերդաստանին․ նրա պապ Անյոլո դի Լիպպո դի Պոլլոն աշխատում էր Ֆլորենցիայի մայր տաճարի գմբեթի շինարարությունում, որպես օգնական և վերցրել էր իր համար անուն՝ դե Վետրի (de’Vetri), որը հետո դարձավ իր հետնորդների անունը։ Անյոլո դի Պոլոյի հայրը զբաղվում էր դիմակների արտադրությամբ և ուներ իր սեփական արտադրությունը Ֆլորենցիայում, քանդակագործի եղբայրը՝ Դոմենիկոն, թանկարժեք քարերի և մեդալների վրա փորագրող վարպետ էր։
Հայտնի «Կենսագրություններ»-ի հեղինակ Ջորջո Վազարին գրել է, որ Անյոլո դի Պոլոն եղել է Անդրեա դել Վերոկկիոյի աշակերտը, սովորել է նաև Լորենցո դի Կրեդիի, Պիետրո Պերուջինոյի և Լեոնարդո դա Վինչիի մոտ, ավելացնելով՝
|
«նա շատ լավ աշխատում էր կավով և գրեթե ամբողջ քաղաքը լցրել էր իր ձեռքի աշխատանքներով» | 
|
Հաշվի առնելով նկարչի ծննդյան օրը և այն, որ Վերոկկիոն թողել է Ֆլորենցիան 1482 թվականին, կարելի է եզրակացնել, որ փաստորեն Անյոլոյի ուսումը կիսատ է մնացել։ Թերևս նա շարունակել է իր ուսումն այն արվեստանոցում, որը պատկանում էր Լորենցո դի Կրեդիին։
Անյոլո դի Պոլոյի ամենահայտնի աշխատանքներն են՝
- Հովհաննես առաքյալի արձանը
- «Սուրբ Սալվատորեի կիսանդրին»
- «Տիրամայրը մանկան հետ» քանդակը (1517)
Անյոլո դի Պոլոն նաև «San Zanobi» աշխատանքի հեղինակն է, որը վերագրվում է 1514 կամ 1526 թվականին։
Ծանոթագրություններ խմբագրել
Գրականություն խմբագրել
- Elisabetta Nardinocchi (a cura di), Guida al Museo Horne, Edizioni Polistampa, Firenze 2011. ISBN 978-88-596-0969-8
 | Վիքիպահեստն ունի նյութեր, որոնք վերաբերում են «Անյոլո դի Պոլո» հոդվածին։ |