Անիտա Փեյջ
Անիտա Փեյջ (անգլ.՝ Anita Page, օգոստոսի 4, 1910[1], Ֆլաշինգ, Քուինս, Նյու Յորք, Նյու Յորք, ԱՄՆ - սեպտեմբերի 6, 2008[2][1][3], Վան Նայս, Լոս Անջելես, Կալիֆոռնիա, ԱՄՆ), ամերիկացի դերասանուհի, որը հանրաճանաչություն է ձեռք բերել համր կինոյի դարաշրջանի վերջին տարիներին։
| Անիտա Փեյջ | |
|---|---|
 | |
| Ծննդյան թիվ՝ | օգոստոսի 4, 1910[1] |
| Ծննդավայր՝ | Ֆլաշինգ, Քուինս, Նյու Յորք, Նյու Յորք, ԱՄՆ |
| Վախճանի թիվ՝ | սեպտեմբերի 6, 2008[2][1][3] (98 տարեկան) |
| Վախճանի վայր՝ | Վան Նայս, Լոս Անջելես, Կալիֆոռնիա, ԱՄՆ |
| Քաղաքացիություն՝ |  ԱՄՆ |
| Մասնագիտություն՝ | կինոդերասանուհի և թատրոնի դերասանուհի |
| Պարգևներ՝ | |
| IMDb։ | ID 0656105 |
| anitapage.com | |
Վաղ կյանք
խմբագրելԱնիտա Էվելին Պոմարեսը ծնվել է 1910 թվականի օգոստոսի 4-ին Ֆլաշինգում, Քուինս, Նյու Յորք։ Նրա ծնողներն էին Մարինո Լեո Պոմարեսը, որը ծագումով Բրուքլինից էր[4] և Մոդ Էվելին (ծնվ. Մուլլեն) Պոմարեսը[5]։ Նա ուներ մեկ եղբայր՝ Մարինո Պոմարես կրտսերը։ Հետագայում ընտանիքի անդամներն աշխատում էին նրա մոտ․ եղբայրը որպես մարզադահլիճի հրահանգիչ, մայրը որպես քարտուղարուհի, իսկ հայրը՝ որպես վարորդ[6]։ Փեյջի հայրական պապը՝ Սալվադոր Մարինո Պոմարեսը, Կուբայից էր[7] և աշխատել է որպես հյուպատոս Էլ Սալվադորում։ Նրա հայրական տատիկը՝ Աննա Մունյոսը, վենեսուելացի էր, ծագումով կաստիլիական իսպանացի և ֆրանսիացի[8]։
Կարիերա
խմբագրելՀամր ֆիլմեր և վաղ հնչուն ֆիլմեր
խմբագրելՆա իր կարիերան սկսել է 1924 թվականին։ Իր առաջին գլխավոր դերը Փեյջը ստացել է «Մեր պարող դուստրերը» ֆիլմում։ Նա նկարահանվել է Ջոան Քրոուֆորդի և Բասթեր Քիթոնի հետ ֆիլմերում։ Կինոյի պատմության մեջ առաջին հնչյունային երաժշտական ֆիլմում՝ «Բրոդվեյյան մեղեդին» խաղացել է գլխավոր դերը, որն արժանացել է «Օսկարի»։
Փեյջը 1929 թվականին «Օսկարի» առաջին մրցանակաբաշխության վերջին կենդանի մասնակիցն էր և հաճախ հարցազրույցներ էր տալիս որպես «համր կինոյի վերջին աստղ»՝ նկարահանվելով այդ դարաշրջանի մասին վավերագրական ֆիլմերում։
Ավարտ
խմբագրելԵրբ 1933 թվականին նրա պայմանագրի ժամկետը լրացել է, Փեյջը հայտարարել է դերասանական կարիերան ավարտելու մասին, քանի որ մերժել էին բարձրացնել նրա աշխատավարձը։ 1936 թվականին նա նկարահանվել է ևս մեկ ֆիլմում՝ «Արշավ դեպի դրախտ», այնուհետև ամբողջությամբ հեռացել դերասանությունից։ Ավելի ուշ Փեյջը պնդում էր, որ Իրվինգ Թալբերգն իրեն առաջարկել էր գլխավոր դերեր երեք ֆիլմերում, եթե նա քնի իր հետ, ինչը Անիտան մերժել էր[9]։
Փեյջը ամուսնացել էր կոմպոզիտոր Նասիո Հերբ Բրաունի հետ 1934 թվականին։ Ամուսնությունը չեղյալ էր հայտարարվել մեկ տարի անց, քանի որ Բրաունի նախորդ ամուսնալուծությունը վերջնականապես չէր ավարտվել այն ժամանակ, երբ նրանք ամուսնացել էին[10]։ 1937 թվականի հունվարի 9-ին Յումայում (Արիզոնա) նա ամուսնացել է նավատորմի օդաչու լեյտենանտ Հերշել Ա. Հաուսի հետ[11]։ Նրանք տեղափոխվել են Կորոնադո, Կալիֆոռնիա և այնտեղ ապրել մինչև ամուսնու մահը՝ 1991 թվականը։ Նրանք ունեին երկու դուստր՝ Լինդան և Սանդրան[12][13]։
Վերադարձ դերասանություն
խմբագրելԱմուսնությունից հետո, տասնամյակներ անց Փեյջը վերադարձել է դերասանություն և մարմնավորել միանձնուհու «Փախուստի դիմածը» ֆիլմում (1961 թվական), բայց նրա վերադարձը շատ կարճ է տևել։ Փեյջի երկրորդ վերադարձը կինեմատոգրաֆ տեղի է ունեցել ևս 35 տարի անց։ 1996 թվականին նա նկարահանվել է մի քանի ցածրաբյուջետային սարսափ ֆիլմերում։
Մահ
խմբագրելՓեյջը մահացել է քնած ժամանակ 98 տարեկանում 2008 թվականի սեպտեմբերի 6-ին Լոս Անջելեսի իր տանը[14], որտեղ ապրում էր երկարամյա ընկերակցուհի Ռանդալ Մելոնի հետ։ Նա հուղարկավորված է Սան Դիեգոյի Սուրբ Խաչ գերեզմանատանը[15]։
Անիտա Փեյջը վերջինն էր համր կինոյի հայտնի աստղերից՝ բացառելով մանկակահասակ դերասաններին, ինչպիսիք են Միկի Ռունին, Բեյբի Փեգին և Մերի Օսբորնը[16]։
Ֆիլմագրություն
խմբագրել| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 1925 | ֆ | Համբույր Մոխրոտիկի համար | A Kiss for Cinderella | տիտրերում բացակայում է |
| 1926 | ֆ | Love 'Em and Leave 'Em | ||
| 1928 | ֆ | Աշխարհին պատմելով | Telling the World | |
| 1928 | ֆ | Մինչ քաղաքը քնում է | While the City Sleeps | |
| 1928 | ֆ | Մեր պարող դուստրերը | Our Dancing Daughters | |
| 1929 | ֆ | Թռչող նավատորմը | The Flying Fleet | |
| 1929 | ֆ | Բրոդվեյյան մեղեդի | The Broadway Melody | Քուինի Մահոնի |
| 1929 | ֆ | Մեր ժամանակակից օրիորդները | Our Modern Maidens | |
| 1929 | ֆ | Արագընթաց ճանապարհ | Speedway | |
| 1929 | ֆ | Navy Blues | ||
| 1930 | ֆ | Ազատ և հեշտ | Free and Easy | |
| 1930 | ֆ | Caught Short | ||
| 1930 | ֆ | Մեր կարմրած հարսնացուները | Our Blushing Brides | |
| 1930 | ֆ | Փոքրիկ վթար | Little Accident | |
| 1930 | ֆ | Պատերազմի բուժքույր | War Nurse | |
| 1931 | ֆ | 18 - ից ցածր | Under 18 | |
| 1931 | ֆ | Նվազեցնելով | Reducing | |
| 1931 | ֆ | Ամենապարզ ճանապարհը | The Easiest Way | |
| 1931 | ֆ | Ջենթլմենի ճակատագիրը | Gentleman's Fate | |
| 1931 | ֆ | Նյու Յորքի մայթերը | Sidewalks of New York | |
| 1932 | ֆ | Բարեկեցություն | Prosperity | |
| 1932 | ֆ | Լսո՞ւմ եք | Are You Listening? | |
| 1932 | ֆ | Գիշերային դատարան | Night Court | |
| 1932 | ֆ | Երկնաքերի հոգիներ | Skyscraper Souls | |
| 1933 | ֆ | Ջունգլիների հարսնացու | Jungle Bride | |
| 1933 | ֆ | Փոթորիկի զինվորներ | Soldiers of the Storm | |
| 1933 | ֆ | Մեծ վանդակ | The Big Cage | |
| 1933 | ֆ | Ես ապրել եմ | I Have Lived | |
| 1936 | ֆ | Ավտոստոպով դեպի դրախտ | Hitchhike to Heaven | |
| 1996 | ֆ | Մայրամուտ մութից հետո | Sunset After Dark | |
| 2000 | ֆ | Կախարդություն XI. Արյունով քույրեր | Witchcraft XI: Sister's in Blood | |
| 2002 | ֆ | Սողացող ուղեղը | The Crawling Brain | |
| 2004 | ֆ | Բոբի գիշերային զբոսանքը | Bob's Night Out | |
| 2008 | ֆ | Ֆրանկենշտեյնի աճը | Frankenstein Rising |
Ծանոթագրություններ
խմբագրել- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 http://www.nytimes.com/2008/09/08/movies/08page.html
- ↑ 3,0 3,1 3,2 FemBio տվյալների շտեմարան (գերմ.)
- ↑ Anita Page Interview 4 out of 9. States her father was of Spanish origin born in Brooklyn.
- ↑ Ankerich 1998, էջ. 181
- ↑ Ronald, Bergan (2008 թ․ սեպտեմբերի 8). «Anita Page: Obituary». The Guardian. Վերցված է 2009 թ․ հունիսի 28-ին.
- ↑ At the Center of the Frame: Leading Ladies of the Twenties and Thirties William M. Drew "My real name is Anita Pomares which is Spanish. Both my parents were born in this country. My paternal grandfather had come over from Spain and was a consul in El Salvador. My grandmother was definitely Castilian Spanish".
- ↑ Beyond Paradise: The Life of Ramon Novarro by André Soares
- ↑ Bernstein, Adam (2008 թ․ սեպտեմբերի 8). «Anita Page, 98; one of last stars of the silent film era». Boston.com. Վերցված է 2020 թ․ նոյեմբերի 24-ին.
- ↑ Page, Anita (2007 թ․ օգոստոսի 22). «Anita Page: Q&A with Author Allan Ellenberger». Alternate Film Guide (Interview). Interviewed by Allan Ellenberger. Վերցված է 2012 թ․ մայիսի 10-ին.
- ↑ Arizona, County Marriage Records, 1865–1972
- ↑ «Silent screen siren Anita Page dies at 98». USA Today. 2008 թ․ սեպտեմբերի 7. Վերցված է 2012 թ․ մայիսի 10-ին.
- ↑ «From the Archives: Anita Page, Actress Starred in '29 Oscar Winner, Dies». Los Angeles Times (ամերիկյան անգլերեն). 2008 թ․ սեպտեմբերի 8. Վերցված է 2020 թ․ նոյեմբերի 24-ին.
- ↑ Berkvist, Robert (2008 թ․ սեպտեմբերի 8). «Anita Page, Silent-Film Siren, Dies at 98». The New York Times. Վերցված է 2011 թ․ մայիսի 23-ին.
- ↑ Wilson, Scott (2016 թ․ օգոստոսի 19). Resting Places: The Burial Sites of More Than 14,000 Famous Persons (անգլերեն) (3d ed.). McFarland. ISBN 978-1-4766-2599-7.
- ↑ «Анита Пейдж (Anita Page) - биография, новости, личная жизнь».