Վիքիպեդիա

Անդրե Վիլլաշ-Բոաշ

Լուիշ Անդրե դե Պինա Կաբրալ Վիլլաշ-Բոաշ, առավել հայտնի որպես Անդրե Վիլլաշ-Բոաշ (պորտ.՝ André Villas-Boas, հոկտեմբերի 17, 1977(1977-10-17)[1], Պորտու, Պորտուգալիա[2]), պորտուգալացի ֆուտբոլային մարզիչ և «Չելսիի» նախկին մարզիչը։ Մինչև «Չելսի» գալը, նա ինն ամիս մարզել է «Ակադեմիկա դե Կոիմբրա» ակումբը և շուրջ մեկ տարի՝ «Պորտուն»։ Այժմ Սանկտ Պետերբուրգի «Զենիթի» գլխավոր մարզիչն է։

Անդրե Վիլլաշ-Բոաշ
պորտ.՝ André Villas-Boas
Անձնական տվյալներ
Ամբողջական անուն Luís André de Pina
Cabral e Villas-Boas
Քաղաքացիությունը  Պորտուգալիա
Ծննդյան ամսաթիվ հոկտեմբերի 17, 1977 (46 տարեկան)
Ծննդավայր Պորտո, Պորտուգալիա Պորտուգալիա
Հասակ 1.82 մ
Դիրք Մարզիչ
Մարզչական կարիերա
Տարի Ակումբ
2000–2001
2009–2010
2010–2011
2011–2012
2012—2013
2014—այժմ		 Բրիտանական Վիրջինյան կղզիներ Բրիտանական Վիրջինյան կղզիներ
Ակադեմիկա դե Կոիմբրա
Պորտո
Չելսի
Տոտենհեմ Հոտսպուր
Զենիթ

«Պորտու»-ում նա դարձավ Եվրոգավաթ նվաճած ամենաերիտասարդ մարզիչը[3], իսկ «Չելսիի» կողմից նրա համար վճարված €15 միլիոն, մարզչի համար երբևիցե տրված ամենախոշոր գումարն է[4][5]։ Չնայած նա բարձրակարգ մարզիչ է, նա չունի խաղային փորձ և մինչ 31 տարեկանում «Ակադեմիկա դե Կոիմբրա» ակումբի մարզիչ դառնալը, նա չի եղել որևէ ակումբի գլխավոր մարզիչ[6]։

Մարզչական կարիերա խմբագրել

Վաղ տարիներ խմբագրել

16 տարեկանում Վիլլաշ-Բոաշը (ով «Պորտոի» երկրպագու էր) ապրում էր այն ժամանակվա «Պորտոի» գլխավոր մարզիչ, անգլիացի Բոբբի Ռոբսոնի հետ նույն հարկի տակ։ Մի անգամ նրանց միջև տեղի ունեցած բանավեճից հետո, Ռոբսոնը վերցնում է Բոաշին դիտորդների խումբ[7]։ Ռոբսոնի շնորհիվ, ով զարմացած էր Բոաշի անգլերենի վարժ իմացությամբ, Բոաշը Շոտլանդիայում, 17 տարեկանում ստացավ ՈւԵՖԱ-ի մարզչի C մակարդակ։ Շատ չանցած՝ 21 տարեկանում նա գլխավորեց Բրիտանական Վիրջինյան կղզիների ֆուտբոլի ազգային հավաքականը[8][9] մինչև նա «Պորտոում» չդարձավ գլխավոր մարզիչ Ժոզե Մոուրինյոյի (Ռոբսոնի մեկ այլ աշակերտ) օգնական։ Նա Մոուրինյոյի օգնական եղավ նաև «Չելսիում» և «Ինտերում»[9]։

«Ակադեմիկա» խմբագրել

2009-10 մրցաշրջանի սկզբում նա լքեց օգնականի պաշտոնն ու որոշեց ինքնուրույն գլխավորել ակումբներ։ Շուտով նա գլխավորեց պորտուգալական «Ակադեմիկա դե Կոիմբրա» ակումբը, որտեղ գլխավոր մարզչի պաշտոնը թափուր էր սկսած 2009 թվականի հոկտեմբերից[9][10]։ Երբ Բոաշը հաստատվեց այդ պաշտոնում, «Ակադեմիկան» կանգնած էր Պրեմիերա Լիգայից դուրս թռնելու վտանգի տակ և չուներ ոչ մի հաղթանակ։ Սակայն ամեն ինչ փոխվեց, երբ Բոաշը ներկայացրեց նոր խաղաոճ, որի շնորհիվ ակումբը ավարտեց մրցաշրջանն անվտանգ 11-րդ տեղում, դուրս թռնելու գոտուց տասը միավորի տարբերությամբ։ Բացի դրանից Ակադեմիկան հասավ 2009–10 մրցաշրջանի Պորտուգալական Լիգայի Գավաթի կիսաեզրափակիչ, որտեղ Մարիանո Գոնսալեսի խփած գոլի պատճառով պարտվեց «Պորտուին»։ Այդպիսի աննախադեպ հաջողություններից հետո, ԶԼՄ-ը նրան էին համարում թափուր մնացած «Սպորտինգ Լիսաբոնի» և «Պորտուի» գլխավոր մարզչի թեկնածու 2010 թվականի ամռանը։

«Պորտու» խմբագրել

Վիլլաշ-Բոաշը հայտարարվեց «Պորտուի» գլխավոր մարզիչ 2010 թվականի հունիսի 2-ին[9] 2010-ի օգոստոսի 7-ին նա շահեց առաջին գավաթը՝ եզրափակչում 2–0 հաշվով հաղթելով «Բենֆիկային» և շահելով Պորտուգալական Սուպերգավաթը[11]։ Շուտով նա ավելացրեց ևս երեք գավաթ՝ պորտուգալական Պրեմիերա Լիգան, ՈւԵՖԱ Եվրոպա Լիգան և Պորտուգալիայի Գավաթը։ Պրեմիերա Լիգայում նա դարձավ երրորդ ամենաերիտասարդ մարզիչը առաջնության պատմության մեջ[12], և Եվրոգավաթ նվաճած ամենաերիտասարդ մարզիչը, անելով այդ 2011 թվականի մայիսի 18-ին 33 տարեկանում[3]։

Բոաշի օրոք «Պորտուն» սահմանեց ևս մի քանի ռեկորդ.

  • «Բենֆիկայից» հետո դարձավ Պրեմիերա Լիգայի երկրորդ ակումբը, որը մրցաշրջանն անցկացրեց առանց պարտության։
  • Ակումբի ռեկորդ բոլոր մրցաշրջաններում առանց պարտության խաղերի թվով (36 խաղ)։ Նախկին ռեկորդը՝ 33 խաղ, սահմանել էր Ժոզե Մոուրինյոն[13]։
  • Եվրոպայում մեկ մրցաշրջանի ընթացքում ամենաշատ հաղթանակ տոնած պորտուգալակն ակումբը (14 խաղ)[14]։
  • Պորտուգալական 30-խաղանոց առաջնությունում մեկ մրցաշրջանի ընթացքում ամենաշատ միավոր հավաքած ակումբը (84 միավոր)։
  • Պրեմիերա Լիգայում ամենաերկար հաղթանակների շարք (16 խաղ)։
  • Պրեմիերա Լիգայում երկրորդ տեղի թիմի նկատմամբ ամենամեծ առավելությունը (21 միավոր)։

2011 թվականի հունիսի 21-ին Վիլլաշ-Բոաշը հեռացավ « Պորտուի» գլխավոր մարզչի պաշտոնից[15]։

«Չելսի» խմբագրել

«Չելսին» 2011-ի հունիսի 22-ին Բոաշի հետ ստորագրեց 3-ամյա պայմանագիր և Բոաշը հաստատվեց գլխավոր մարզչի պաշտոնում[16]։ [17] «Չելսին» նրա նախկին ակումբին՝ «Պորտոյին», որպես փոխհատացում վճարեց ռեկորդային €15 միլիոն[18]։ 2012 թ.-ի մարտի 4-ին նա հեռացվեց գլխավոր մարզչի պաշտոնից։

Անձնական կյանք խմբագրել

Վիլլաշը սահուն խոսում է անգլերեն, որ նրան սովորեցրել էր տատը՝ Մարգարետ Կենդալլը[8][19]։ Նա ամուսնացել է 2004-ին Յոհաննա Տեյշեիրայի հետ և ունի երկու աղջիկ[20][21]։ Բոաշը տարբերվում է իր արտասովոր հիշողությամբ, և ասում են, որ անուններ չհիշող Մոուրինյոն հիացած էր Բոաշով։

Մարզչական նվաճումները խմբագրել

Ակումբային խմբագրել

«Պորտու»

Անհատական խմբագրել

  • Պրեմիերա Լիգայի լավագույն երիտասարդ մարզիչ։ 2010
  • Պորտուգալիայի Ոսկե Գլոբուս։

Մարզչական վիճակագրություն խմբագրել

Ակումբ Երկիր Սկիզբ Վերջ Ռեկորդ
Խ Հ Ո Պ ԽԳ ԲԳ Հաղթանակ%
Բրիտանական Վիրջինյան կղզիներ   2000 2001 2 0 0 2 1 14 0.00
Ակադեմիկա դե Կոիմբրա   Հոկտեմբերի 14, 2009 Հունիսի 2, 2010 30 11 9 10 38 35 36.67
Պորտու   Հունիսի 2, 2010 Հունիսի 21, 2011 58 49 5 4 145 42 84.48
Չելսի   Հունիսի 22, 2011 0 0 0 0 0 0 0.00
Ընդհանուր 90 60 14 16 184 91 61.67

Ծանոթագրություններ խմբագրել

  1. ↑ https://www.transfermarkt.com/-/profil/trainer/1696
  2. ↑ «André Villas-Boas»։ ZeroZeroFootball։ Արխիվացված է zerozerofootball.com – Manager profile օրիգինալից 2011 թ․ հունիսի 28-ին։ Վերցված է 2010 թ․ դեկտեմբերի 18 
  3. ↑ 3,0 3,1 «Prolific Falcao leads Porto to glory»։ ESPN Soccernet։ մայիսի 18, 2011։ Արխիվացված է օրիգինալից 2011 թ․ մայիսի 22-ին։ Վերցված է 2011 թ․ մայիսի 24 
  4. ↑ «Villas-Boas can be Special»։ The Sun։ 2011-05-18։ Վերցված է 2011 թ․ հունիսի 22 
  5. ↑ «Villas-Boas is new Chelsea manager»։ Smh.com.au։ 2011-06-22։ Վերցված է 2011 թ․ հունիսի 22 
  6. ↑ Gabriele Marcotti (հոկտեմբերի 5, 2010)։ «Meet Portugal's Boy Genius»։ The Wall Street Journal։ Վերցված է 2010 թ․ դեկտեմբերի 18 
  7. ↑ «Novice delighting in the Dragao dugout»։ FIFA.com։ 2010-09-23։ Արխիվացված է օրիգինալից 2015 թ․ մայիսի 2-ին։ Վերցված է 2011 թ․ հունիսի 22 
  8. ↑ 8,0 8,1 «Crucial role of boy scout who is Mourinho's 'eyes and ears'»։ The Independent։ հուլիսի 11, 2004։ Արխիվացված օրիգինալից 2010 թ․ նոյեմբերի 12-ին։ Վերցված է 2010 թ․ հոկտեմբերի 7 
  9. ↑ 9,0 9,1 9,2 9,3 «Villas-Boas accepts Porto chance»։ UEFA.com։ հունիսի 3, 2010։ Վերցված է 2010 թ․ հոկտեմբերի 7 
  10. ↑ «Academica appoint Andre Villas-Boas as head coach»։ PortuGOAL.net։ հոկտեմբերի 14, 2009։ Արխիվացված է օրիգինալից 2013-11-03-ին։ Վերցված է 2010 թ․ դեկտեմբերի 18 
  11. ↑ «His first trophy in Porto, Porto 2–0 Benfica»։ Whoscored.com 
  12. ↑ «Champions of Liga Sagres,2010–11, Benfica 1–2 Porto»։ Whoscored.com 
  13. ↑ «Nacional end Porto's unbeaten run»։ Արխիվացված է օրիգինալից 2013-12-16-ին։ Վերցված է 2011-06-30 
  14. ↑ «FC Porto complete win over CSKA»։ Արխիվացված է օրիգինալից 2012-04-22-ին։ Վերցված է 2011-06-30 
  15. ↑ «Villas-Boas resigns from Porto»։ ESPN Soccernet։ հունիսի 21, 2011։ Արխիվացված է օրիգինալից 2011 թ․ հունիսի 24-ին։ Վերցված է 2011 թ․ հունիսի 21 
  16. ↑ «Chelsea appoint former Porto coach André Villas-Boas on three-year deal»։ Guardian։ հունիսի 22, 2011։ Վերցված է 2011 թ․ հունիսի 22 
  17. ↑ «VILLAS-BOAS APPOINTED»։ Chelsea FC։ Վերցված է 2011 թ․ հունիսի 22 
  18. ↑ «Chelsea close on Villas-Boas»։ Sky Sports։ Վերցված է 2011 թ․ հունիսի 22 
  19. ↑ «10 things you need to know about prospective new Chelsea manager»։ The Mirror։ հունիսի 20, 2011։ Վերցված է 2011 թ․ հունիսի 26 
  20. ↑ GeneAll.net – D. Luís André de Pina Cabral e Vilas-Boas
  21. ↑ «Andre Villas-Boas Profile»։ ESPN Soccernet։ հունիսի 21, 2011։ Վերցված է 2011 թ․ հունիսի 21 

Արտաքին հղումներ խմբագրել

Ստացված է «https://hy.wikipedia.org/w/index.php?title=Անդրե_Վիլլաշ-Բոաշ&oldid=8708914» էջից