Անդրեյ Կոլպին

Անդրեյ Կոլպին;
Ծնվել է	փետրվարի 5, 1964 (60 տարեկան)
Ծննդավայր	Մոսկվա, ԽՍՀՄ
Քաղաքացիություն	ԽՍՀՄ և Ռուսաստան
Մասնագիտություն	կինոռեժիսոր, նկարիչ և սցենարիստ

Անդրեյ Կոլպին (ռուս.՝ Колпин, Андрей Борисович, փետրվարի 5, 1964(1964-02-05), Մոսկվա, ԽՍՀՄ), ռուս ռեժիսոր-մուլտիպլիկատոր և նկարիչ։

Կենսագրություն^[1] խմբագրել

Ծնվել է 1964 թվականի փետրվարի 5–ին, Մոսկվայում։

1978 թվականին սովորել է Գայդարի անվան Մշակույթի տան Գեղարվեստի դպրոցում։

1987 թվականին ավարտել է Մոսկվայի Ն. Բաումանի անվան պետական տեխնիկական համալսարանը։ 1987-89 թվականներին աշխատել է Մոսկվայի Կիրառական մեխանիկայի գիտահետազոտական ինստիտուտում` որպես ինժեներ և դիզայներ։

1989 թվականին ավարտել է «Օդաչու» ստուդիային կից Անիմատորների դասընթացը (գեղարվեստական ղեկավարներ՝ Ա. Տատարսկի և Ի․ Կովալյով), 1995 թվականին ավարտել է Ռեժիսորների և սցենարիստների բարձրագույն դասընթացը (Ֆեոդոր Խիտրուկի արվեստանոցը), 1994 թվականին ավարտել է «Օդաչու» ստուդիային կից Անիմացիայի ուսուցիչների դասընթացը։

1989-1998 թվականներին եղել է «Օդաչու» ստուդիայի անիմատոր և նկարիչ (1990 թվականից՝ ռեժիսոր)։

1998-2001 թվականներին եղել է ընտանեկան և մանկական անիմացիոն սերիալների ռեժիսոր, գովազդների և պիլոտային ֆիլմերի ռեժիսոր և սցենարիստ՝ VARGA և MY FILM (Բուդապեշտ), RICHARD PURDUM PRODUCTION, TIGER ASPECT (Լոնդոն), Freakish Kid (Անգլիա) ստուդիաներում։ Դասավանդել է «Էկրանային տեխնոլոգիաների նոր դպրոցում» և «Անիմացիայի նոր դպրոցում»։

2001-2005 թվականներին համագործակցել է տարբեր ստուդիաների հետ Մոսկվայում և Սանկտ–Պետերբուրգում։ Մասնակցել է մոտավորապես 150 գովազդային ֆիլմերի ստեղծմանը, մի շարք միջազգային մրցույթների դափնեկիր է։ Եղել է «Նոր ականատես» և «Կրոկոդիլ» ամսագրերի պատկերազարդող–ծաղրանկարիչ։ Որպես ռեժիսոր աշխատում է անիմացիայի բոլոր ձևերով, բացի տիկնիկային և գեղանկարչային ձևերից։

Ֆիլմագրություն խմբագրել

Բեմադրող–ռեժիսոր

1996 թվական՝ Օդաչու եղբայրները երեկոյան թեյ են խմում
2004 թվական՝ Շամբալա
2017 թվական՝ Ֆիքսիկներ։ Մեծ գաղտնիքը (մուլտֆիլմ)
2020 թվական՝ Հեքիաթային պարեկություն

Սերիաների ռեժիսոր

2003-2012 թվականներ՝ Սմեշարիկներ
2010-2019 թվական՝ Ֆիքսիկներ
2016-մինչև այժմ՝ Հեքիաթային պարեկություն

Սցենարիստ

1992 թվական՝ Գիպներոտոմախիա
1996 թվական՝ Օդաչու եղբայրները երեկոյան թեյ են խմում
2004 թվական՝ Շամբալա

Մրցանակներ խմբագրել

Լիամետրաժ «Ֆիքսիկներ։ Մեծ գաղտնիքը» մուլտֆիլմ` 11–րդ մանկական կինոյի միջազգային փառատոնի «Լավագույն անիմացիոն գեղարվեստական ֆիլմ» անվանակարգի մրցանակ, Հնդկաստան^[2]։
2018 թվականի մարտի 16–ին առաջադրվել է «Իկար» կինոմրցանակի^[3]։

Ծանոթագրություններ խմբագրել

↑ «Российская анимация в буквах и фигурах | Персоналии | Колпин Андрей Борисович». animator.ru. Վերցված է 2020 թ․ ապրիլի 26-ին.
↑ «большой секрет — Ассоциация анимационного кино России». aakr.ru. Վերցված է 2020 թ․ ապրիլի 26-ին.
↑ «Аниматор.ру | Новости | Объявлены номинанты IV Национальной анимационной премии...». animator.ru. Վերցված է 2020 թ․ ապրիլի 27-ին.

Արտաքին հղումներ խմբագրել

Անդրեյ Կոլպին մուլտֆիլմը «Անիմատոր.ռու» կայքում
Andrey Kolpin (անգլ.) Internet Movie Database կայքում

[1] «Российская анимация в буквах и фигурах | Персоналии | Колпин Андрей Борисович». animator.ru. Վերցված է 2020 թ․ ապրիլի 26-ին.

[2] «большой секрет — Ассоциация анимационного кино России». aakr.ru. Վերցված է 2020 թ․ ապրիլի 26-ին.

[3] «Аниматор.ру | Новости | Объявлены номинанты IV Национальной анимационной премии...». animator.ru. Վերցված է 2020 թ․ ապրիլի 27-ին.

[1]

[2]

[3]

Անդրեյ Կոլպին
Ծնվել է	փետրվարի 5, 1964(1964-02-05) (60 տարեկան)
Ծննդավայր	Մոսկվա, ԽՍՀՄ
Քաղաքացիություն	ԽՍՀՄ և Ռուսաստան
Մասնագիտություն	կինոռեժիսոր, նկարիչ և սցենարիստ