Անահիտ Քնարյան
Անահիտ Գրիգորի Քնարյան (մարտի 16, 1948, Գառնի, Աբովյանի շրջան, Հայկական ԽՍՀ, ԽՍՀՄ), հայ բանաստեղծուհի։ Հայաստանի գրողների միության անդամ (1984)։
Անահիտ Քնարյան | |
---|---|
Ծնվել է | մարտի 16, 1948 (76 տարեկան) |
Ծննդավայր | Գառնի, Աբովյանի շրջան, Հայկական ԽՍՀ, ԽՍՀՄ |
Մասնագիտություն | բանաստեղծուհի և գրող |
Քաղաքացիություն | ԽՍՀՄ և Հայաստան |
Կրթություն | Հայկական պետական մանկավարժական համալսարան |
Անդամակցություն | ՀԳՄ |
Անահիտ Քնարյան Վիքիքաղվածքում | |
Անահիտ Քնարյան Վիքիդարանում |
Կենսագրություն խմբագրել
Անահիտ Քնարյանը ծնվել է 1948 թվականին Գառնի գյուղում։ Ավարտել է Երևանի Խաչատուր Աբովյանի անվան հայկական պետական մանկավարժական ինստիտուտի հայոց լեզվի և գրականության բաժինը։ Դպրոցում դասավանդել է հայոց լեզու և գրականություն, Աբովյան քաղաքի շրջանային թերթում եղել է լրագրող, այնուհետև՝ շրջանային ռադիոհաղորդումների գլխավոր խմբագիրը։ 1992-1997 թվականներին աշխատել է հեռուստառադիոպետվարչության «Մշակույթ» ստեղծագործական միավորումում որպես խմբագիր, որտեղ հիմնադրել և հեղինակել է «Դիմանկար» և «Տեսադարան» հաղորդաշարերը։ 1998 թվականին հիմնադրել է Սարդարապատ հուշահամալիր-թանգարանի լրատվական կենտրոնը։ 2001-2004 թվականներին խմբագրել է «Հանրապետություն» էլեկտրոնային թերթը[1][2]։
Ստերծագործական գործունեություն խմբագրել
Ուսանողական տարիներից տպագրվել է բուհական, հանրապետական թերթերում, «Նոր Ձայներ» գրական անթոլոգիայում, «Գարուն» ամսագրում։ Ստեղծագործության թեման սերն է, հայրենիքը, իր ապրած ժամանակը՝ պայքար, Արցախյան պատերազմը, արտագաղթը[1]։
- «Ուլունք Շամիրամա ի ծով», 1975
- «Զարկերակ», «Սովետական գրող» հրատարակչություն, Երևան-1980։
- «Տրոփ», ISBN 9785550002568[3]:
- «Անվերջ սկիզբ», ՀԳՄ հրատարակչություն, Երևան-2003
- «Դատավճիռ», 2017, ISBN 978-9939-0-2498-1:
- «Անվերադարձ վերադարձ»
Տես նաև խմբագրել
Ծանոթագրություններ խմբագրել
- ↑ 1,0 1,1 Անահիտ Քնարյանի կենսագրությունը avproduction.am կայքում(չաշխատող հղում)
- ↑ Քնարյան, Անահիտ Գրիգորի
- ↑ Քնարյան, Անահիտ Գրիգորի (1990). Տրոփ: Բանաստեղծություններ. Խորհրդային գրող. ISBN 9785550002568.
Գրականություն խմբագրել
- Խաչատրյան Հ. Հ. Գրական տեղեկատու, 1986։