Անահիտ Աղասարյան

Վիքիպեդիայում կան հոդվածներ Աղասարյան ազգանունով այլ մարդկանց մասին։

Անահիտ Ալեքսանդրի Աղասարյան (օգոստոսի 28, 1959(1959-08-28), Երևան, Հայկական ԽՍՀ, ԽՍՀՄ), հայ դրամատուրգ։

Անահիտ Աղասարյան
Ծնվել է	օգոստոսի 28, 1959(1959-08-28) (65 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական գեղարվեստա-թատերական ինստիտուտ (1991)
Մասնագիտություն	դրամատուրգ և գրող
Աշխատավայր	Հայաստանի մշակույթի նախարարություն
Երեխաներ	Սոս Ջանիբեկյան

Կենսագրություն

Անահիտ Աղասարյանը ծնվել է 1959 թվականին Երևանում։ Սովորել է Երևանի Գրիգոր Բաղյանի անվան թիվ 141 հիմնական դպրոցում, Գաբրիել Սունդուկյանի անվան ազգային ակադեմիական թատրոնին կից դերասանական ստուդիայում, 1986-1991 թթ.՝ Երևանի գեղարվեստա-թատերական ինստիտուտի թատերագիտական բաժնում։ 1992-1998 թթ. աշխատել է ՀՀ մշակույթի նախարարությունում։ Հրապարակախոսական և թատերագիտական հոդվածների հեղինակ է։

Բեմադրիչ

• «Փրկեք մեր հոգիները» (դրամա)
• «Ուիլլի, Թիթի, Ջիկ և երեքն էլ մի աղջիկ» (դրամա)
• «Անառակ հոր վերադարձը» (դրամա)
• «Խելահեղ օր» (կոմեդիա)
• «Խելագարներ բոլոր երկրների, միացեք» (2000 թ., կոմեդիա, թարգմանվել և հրատարակվել է Նյու Յորքում՝ Կոլումբիայի համալսարանի նախաձեռնությամբ)

Ֆիլմերի սցենարիստ

• «Քրմուհին» (գեղարվեստական ֆիլմ)
• «Հարևաններ» (հեռուստասերիալ, Արմենիա հեռուստաընկերություն)
• «Հանուն սիրո» (հեռուստասերիալ, Հայաստանի հանրային հեռուստաընկերություն)
• «Բացիր աչքերդ»
• «Փողոցի շներ»
• «Քաոս»
• «Վերջին ուսուցիչը»
• «Պատվի համար»
• «Անատոլիական պատմություն»
• «Կորած օրագիրը»
• «Երջանկության մեխանիկան»

Ընտանիք

Եղել է դերասան Կարեն Ջանիբեկյանի կինը, դերասան Սոս Ջանիբեկյանի մայրն է։

Արտաքին հղումներ

• Հանճարեղության հավակնող դերասան էր