Անադոլուհիսար
Անատոլիական ամրոց (Անադոլուհիսար) (անգլ.՝ Anadoluhisarı, թուրքերեն՝ Anadolu Hisarı), օսմանյան պալատ, որը գտնվում է Ստամբուլում` Բոսֆորի աջ ափին։ Անադոլուհիսարը համարվում է Ստամբուլի ամենահին թուրքական ճարտարապետական կառույցը։ Պալատից հյուսիս գտնվում է Սուլթան Մեհմեդ Ֆաթիհի կամուրջը։ Անադոլուհիսարի դիմաց` Բոսֆորի հակադիր ափին է գտնվում օսմանյան Ռումելիհիսար ամրոցը։ Անադոլուհիսարը զբաղեցնում է ավելի քան 7,000 մ² տարածք։
Անադոլուհիսար | |
|---|---|
.jpg) | |
| Տեսակ | ֆորտիֆիկացիա, տեսարժան վայր և թանգարան |
| Երկիր | Թուրքիա Ստամբուլ |
| Տեղագրություն | Բեյքոզ |
| Հիմնադրվել է | 1393 |
| Հիմնադիր | Բայազիդ I |
| Պատվիրող | Բայազիդ I |
 | |
 | |
Պատմություն
խմբագրելԱնադոլուհիսարը կառուցվել է Բոսֆորի ասիական ափին` Բայազիդ I սուլթանի հրամանով 1393 թվականին[1]։ Բայազիդը այն կառուցել էր տվել հին հունական աստված Ուրանոսի տաճարի տեղում։ Կառուցվել է Կոստանդնուպոլսի գրավումը ապահովելու նպատակով։ Պալատը կառուցվել է Բոսֆորի ամենանեղ մասում, որտեղ նեղուցի լայնությունը կազմում է 660 մետր։ Ավելի ուշ, 1452 թվականին Անադոլուհիսարի դիմաց Բոսֆորի հակադիր ափին կառուցվել է Ռումելիհիսար ամրոցը, ինչից հետո նեղուցը սկսեց ամբողջովին վերահսկվել Օսմանյան կայսրության կողմից։
Անատոլիական ամրոցը կիրառվել է որպես դիտակետ։ Նրա բարձրությունը կազմում է 25 մետր։ Ավելի ուշ ամրոցը վերանորոգվել է Մեհմեդ II սուլթանի կողմից։ Կոստանդնուպոլսի անկումից հետո Անադոլուհիսարը ծառայել է որպես բանտ։
1991— 1993 թվականներին ամրոցը վերանորոգվել և վերականգնվել է։ Այն վեր է ածվել թանգարանի, սակայն լայն շրջանակների համար փակ է։ Պալատի ներսում կա մզկիթ։ Պատմական փաստաթղթերում ամրոցը շատ հաճախ անվանվում է «Güzelce Hisar»[2]: Մեհմեդ II-ը վերանորոգման ժամանակ կառուցել է տվել 2 մետր լայնությամբ պատ պաալտի շուրջը, որը ուներ երեք դիտաշտարակ։ Այնպիսի կառույցներ, ինչպիսիք են ամբարները և բնակելի սենյակները ավելացվել են ավելի ուշ։
Տես նաև
խմբագրելԾանոթագրություններ
խմբագրել- ↑ Ahmet Muhtar Paşa (1902). Feth-i Celil-i Konstantiniye. Bedir Press. էջ 21.
- ↑ Finkel, Caroline (2006). Osman's Dream: The History of the Ottoman Empire 1300-1923. New York: Basic Books. էջ 24. ISBN 978-0-465-02397-4.
Արտաքին հղումներ
խմբագրել | Վիքիպահեստն ունի նյութեր, որոնք վերաբերում են «Անադոլուհիսար» հոդվածին։ |