Աղվեսն ու կեռնեխը (մուլտֆիլմ)
Աղվեսն ու կեռնեխը, խորհրդային մուլտիպլիկացիոն ֆիլմ, նկարահանված 1946 թվականին, ռեժիսոր Ալեքսանդր Իվանովի հայտնի մուլտֆիլմերից մեկը[1]։
 ռուս.՝ Лиса и дрозд | |
|---|---|
.jpg) | |
| Տեսակ | մուլտֆիլմ |
| Ժանր | հեքիաթ |
| Ռեժիսոր | Ալեքսանդր Իվանով |
| Սցենարիստ | Գեորգի Գրեբներ |
| Օպերատոր | Նիկոլայ Վոինով |
| Երկիր | .svg){kind=small} ԽՍՀՄ |
| Ընկերություն | Սոյուզմուլտֆիլմ |
| Տևողություն | 15 րոպե |
| Թվական | 1946 |
Սյուժե
խմբագրելԿեռնեխները կեչու վրա բույն են հյուսել և ձագուկներ ունեցել։ Բայց գալիս է աղվեսը և սպառնում, որ պոչով կխփի կեչուն, բույնը կընկնի, ու նա բոլորին կուտի։ Կեռնեխը խոստանում է, որ նրան կկերակրի բլիթներով և մեղրով, միայն պետք է հասնել մեծ ճանապարհին։ Եվ իսկապես, շուտով ճանապարհի վրա հայտնվում են տատիկը` բլիթներով լի զամբյուղով և թոռնիկը` մեղրով լի ամանով։ Կեռնեխը ձևացնում է, թե իր թևը վնասված է։ Աղջիկը և տատիկը նետվում են նրան բռնելու, իսկ այդ ժամանակ աղվեսն ուտում է բլիթները, ապա գլխով խրվում է մեղրի ամանի մեջ։ Կեռնեխը թռչում է, իսկ տատիկը թափահարում է փայտիկով և խփում ամանին։ Աղվեսը փախչում է, վերադառնում է կեչու մոտ և սկսում թափ տալ ծառը։ Այդ ժամանակ կեռնեխը խոստանում է, որ նրան գարեջուր կհյուրասիրի։ Ճանապարհին հայտնվում է մի տղամարդ, որն իր հետ սայլով տանում է մի փոքր տակառ գարեջուր։ Կեռնեխը նստում է ձիու գլխին և այնպես վախեցնում նրան, որ տակառն ընկնում է և սկսում ծորալ։ Աղվեսն այնքան է խմում, որ հարբում է, նա նորից վերադառնում է կեչու մոտ և պահանջում է, որ կեռնեխն իրեն ծիծաղեցնի։ Կեռնեխն սկսում է երգել ուրախ երգեր և տանում է աղվեսին շների մոտ։ Կեռնեխների ընտանիքը երջանիկ էր, որ վերջապես ազատվել էր աղվեսից։
Հեղինակներ
խմբագրել| Ռեժիսոր | Ալեքսանդր Իվանով |
| Սցենարի հեղինակ | Գեորգի Գրեբներ |
| Բեմադրող նկարիչներ | Գեննադի Ֆիլիպով, Ե. Մալոլետկով |
| Օպերատոր | Նիկալայ Վոինով |
| Կոմպոզիտոր | Վ. Կոչետով |
| Հնչյունային օպերատոր | Ս. Ռենսկի |
| Նկարիչ-մուլտիպլիկատոներ | Դմիտրի Բելով, Միխայիլ Բոտով, Բորիս Դյոժկին, Ֆաինա Եպիֆանովա, Գրիգորի Կոզլով, Վալենտին Լալայանց, Նիկոլայ Ֆյոդորով, Գենադի Ֆիլիպով |
| նկարիչներ | Ելենա Տանենբերգ, Ն. Վերեշագինա, Վ.Զավիլոպուլո, Եֆիմ Վերլոցկի։ |
| օգնականներ | Ֆ. Գոլդշտեյն, Ե. Նեյդ |
Պարգևներ
խմբագրել- 1947 թվական- Վենետիկի VIII միջազգային կինոփառատոն, դիպլոմ[2]
Վերաթողարկում
խմբագրելՄուլտֆիլմը մի քանի անգամ վեաթողարկվել է VHS և DVD ձևաչափերով, տարբեր մուլտֆիլմերի հավաքածուների մեջ։
- «Լավագույն խորհրդային մուլտֆիլմեր»,Studio PRO Video, թողարկվել է 1990-ականներին։ Ներառվել են հետևյալ մուլտֆիլմերը. «Գարնանային մեղեդիներ», «Փիղն ու մրջյունը», «Ժամային գոտի», «Կախարդական գանձարան», «Դեղին արագիլ», «Կրեպիշ», «Անտառային համերգ», «Հրաշք ջրաղաց», «Կախարդական թռչուն», «Նարնջագույն կոկորդ», «Երեք պարկ խորամանկություն» և «Խոտի մնացորդ»։
- «Շեկ պոչ», «Հեքիաթին հյուր» սերիա, DVD ձևաչափ։ Ներառված մուլտֆիլմերն են.
«Աղվեսն ու կեռնեխը» (1946), «Վախի աչքերը մեծ են» (1946), «Շինարար աղվեսը» (1950), «Ագռավն ու աղվեսը, կկուն և աքաղաղը» (1953), «Ներկված աղվեսը» (1950), «Նորամուտ եղբայր նապաստակի մոտ» (1986)[3]։
Ծանոթագրություններ
խմբագրել- ↑ Наталия Венжер. Александр Иванов // Наши мультфильмы / Арсений Мещеряков, Ирина Остаркова. — Интеррос, 2006. — ISBN 5-91105-007-2
- ↑ Сергей Капков Энциклопедия отечественной мультипликации. — М.: Алгоритм, 2006. — С. 281-282. — 816 с. — 3 000 экз. — ISBN 5-9265-0319-4
- ↑ DVD «Рыжий хвост»
Արտաքին հղումներ
խմբագրել- «Лиса и дрозд»(անգլ.) ֆիլմը Internet Movie Database կայքում