Ալֆրեդ Մկրտչյան
Ալֆրեդ Արմենակի Մկրտչյան (ապրիլի 5, 1935, Լենինական, Հայկական ԽՍՀ, ԱԽՖՍՀ, ԽՍՀՄ - փետրվարի 5, 2016[1]), անոթային վիրաբույժ։ Բժշկական գիտությունների դոկտոր (1980), պրոֆեսոր (1994), Հայաստանի Վիրաբուժության ԳԱ անդամ (1995)։
 | |
|---|---|
 | |
| Ծնվել է | ապրիլի 5, 1935 |
| Ծննդավայր | Լենինական, Հայկական ԽՍՀ, ԱԽՖՍՀ, ԽՍՀՄ |
| Մահացել է | փետրվարի 5, 2016 (80 տարեկան) |
| Քաղաքացիություն |  ԽՍՀՄ և  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան (1958) |
| Մասնագիտություն | վիրաբույժ |
| Գիտական աստիճան | բժշկական գիտությունների դոկտոր (1994) և պրոֆեսոր (1980) |
| Աշխատավայր | Սրտաբանության ինստիտուտ, Միքայելյան վիրաբուժության ինստիտուտ և Երևանի Մխիթար Հերացու անվան Պետական Բժշկական Համալսարան |
| Պարգևներ |  |
Կենսագրություն խմբագրել
Ալֆրեդ Մկրտչյանը ծնվել է 1935 թվականին Լենինականում։ 1958 թվականին ավարտել է Երևանի բժշկական ինստիտուտը։ 1962 թվականից աշխատել է Սրտաբանության գիտահետազոտական ինստիտուտում, 1967-1974 թվականներին եղել է անոթների վիրաբուժության և անոթաբանության, 1974 թվականից՝ Վիրաբուժության ինստիտուտի համանուն բաժանմունքի վարիչ, միաժամանակ՝ 1991-1992 թվականներին՝ ինստիտուտի տնօրեն[2], 1991-1994 թվականներին՝ Երևանի բժշկական ինստիտուտի վիրաբուժական հիվանդությունների № 1 ամբիոնի վարիչ, 1994 թվականից՝ Առողջապահության ազգային ինստիտուտի պրոֆեսոր։ 2004 թվականից եղել է ՀՀ երկրաբանների և անոթաբանների ընկերության նախագահ, 1991 թվականից՝ ՀՀ վիրաբույժների ընկերակցության փոխնախագահ, 1999 թվականից՝ «Հայկական վիրաբուժություն XXI» արհեստավարժների միության, 1997 թվականից՝ ՌԴ անոթաբանների և անոթային վիրաբույժների ընկերության նախագահության անդամ[3]։
Աշխատանքները վերաբերում են քրոնիկական երակային անբավարարության սուր և քրոնիկական զարկերակային անանցանելիության վիրաբուժական բուժմանը որովայնային աորտայի և նրա ճյուղերի վերակառուցողական վիրահատություններին։
Պարգևներ խմբագրել
- Մխիթար Հերացու մեդալ, 2005
Ծանոթագրություններ խմբագրել
- ↑ «Կյանքից հեռացել է անվանի հայ վիրաբույժ Ալֆրեդ Մկրտչյանը». armenpress.am. Վերցված է 2017 թ․ հունվարի 24-ին.
- ↑ «Ալֆրեդ Մկրտչյան». www.med-practic.com. Վերցված է 2017 թ․ հունվարի 24-ին.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.