Ալինա Մարտիրոսյան
- Վիքիպեդիայում կան հոդվածներ Մարտիրոսյան ազգանունով այլ մարդկանց մասին։
Ալինա Մարտիրոսյան (1979, Երևան, Հայկական ԽՍՀ, ԽՍՀՄ), հայ դերասանուհի։
 | |
|---|---|
| Ծնվել է | 1979 |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի պարարվեստի պետական քոլեջ և Հայկական պետական մանկավարժական համալսարան (2001) |
| Քաղաքացիություն |  ԽՍՀՄ և  Հայաստան |
| Մասնագիտություն | դերասանուհի |
Կենսագրություն և գործունեություն խմբագրել
Ալինա Մարտիրոսյանը ծնվել է 1979 թվականի մայիսի 6-ին՝ Երևանում։
Ավարտել է Երևանի պարարվեստի պետական ուսումնարանը։ 17 տարեկանում ամուսնացել է, 19-ում կորցրել ամուսնուն, ապա մայր դարձել[1]։ 1996-2001 թթ սովորել է Երևանի Խ. Աբովյանի անվան պետական մանկավարժական համալսարանի հոգեբանության ֆակուլտետում։ 1996 թ. մասնակցել է «Միսս Հայաստան» գեղեցկության մրցույթին, որից հետո զբաղվել է մոդելային գործունեությամբ։ Բալետի արտիստ Նարեկ Մարտիրոսյանի քույրն է։
2016 թվականին ամուսնացել է Կարեն Արայանի հետ[2]։
Համագործակցել է «Շարմ» ընկերության հետ։
Նկարահանվել է «Պահանջվում է միլիոնատեր» (2010 թ.) գեղարվեստական ֆիլմում։
Համագործակցել է մի շարք գովազդային գործակալությունների հետ։
Նկարահանվել է «Անուրջներ» (2011 թ.), «Եղբայրներ» (2012 թ.), «Մամա» (2013 թ.) և այլ հեռուստասերիալներում, «Տնփեսա» (2014 թ.) հեռուստանախագծում[3]։2015 թ. նկարահանվել է, «Լույսի պահապանը» և «Երանի» սերիալներում։ 2016 թ. նկարահանվել է «Քարե Դարդ» սիթքոմում:Իսկ այժմ նկարահանվում է «Խաբկանք» սերիալում։
Ծանոթագրություններ խմբագրել
- ↑ Անձնական կյանք
- ↑ Ալինա Մարտիրոսյանի ամուսնությունը
- ↑ «Մասնակցությունը սերիալներում». Արխիվացված է օրիգինալից 2022 թ․ օգոստոսի 6-ին. Վերցված է 2020 թ․ փետրվարի 7-ին.