Ալեքսանդր Մնացականով
Անվան այլ կիրառումների համար տե՛ս՝ Ալեքսանդր Մնացականյան (այլ կիրառումներ)
Ալեքսանդր Սիդորի Մնացականյան (Մնացականով) (փետրվարի 23, 1921[1], Վլադիկավկազ, Խորհրդային Ռուսաստան[1] - հուլիսի 24, 2004, Մոսկվա, Ռուսաստան, թաղված է Տրոյեկուրովյան գերեզմանատանը), խորհրդային Միության հերոս (մարտի 24, 1945), գեներալ-մայոր (1968)։ ԽՄԿԿ անդամ 1946 թվականից։
| Ալեքսանդր Մնացականով | |
|---|---|
| փետրվարի 23, 1921[1] - հուլիսի 24, 2004 (83 տարեկան) | |
| Ծննդավայր | Վլադիկավկազ, Խորհրդային Ռուսաստան[1] |
| Մահվան վայր | Մոսկվա, Ռուսաստան |
| Գերեզման | Տրոեկուրովյան գերեզմանատուն |
| Քաղաքացիություն |  ԽՍՀՄ և  Ռուսաստան |
| Զորատեսակ | տանկային զորքեր |
| Կոչում | գեներալ-լեյտենանտ |
| Մարտեր/ պատերազմներ | Հայրենական մեծ պատերազմ |
| Կրթություն | Օմսկի տանկային ինժեներական ինստիտուտ (1942)[1] և Զրահատանկային զորքերի ռազմական ակադեմիա (1948)[1] |
| Պարգևներ |                  և  |
Կենսագրություն խմբագրել
Ավարտել է Կամիշինի տանկային ուսումնարանը (1942), Մոսկվայի Զրահատանկային և մեքենայացված զորքերի ռազմական ակադեմիան (1948)։ 1942 թվականի օգոստոսից մինչև 1943 թվականի հունվարը, որպես տանկային դասակի հրամանատար, մասնակցել է Ստալինգրադի ճակատամարտին, 1943 թվականի կեսերից՝ Լենինգրադի ազատագրման մարտերին, որտեղ թշնամու պաշտպանական բնագծերը ճեղքելու ժամանակ ցուցաբերած արիության համար արժանացել է հերոսի կոչման։ Պարգևատրվել է Լենինի շքանշանով։ Ետպատերազմյան տարիներին ծառայել է խորհրդային բանակի տարբեր օկրուգներում, Թամանյան դիվիզիայում, ապա Մոսկվայում՝ խորհրդային բանակի գլխավոր շտաբում։
1947 թվականին ավարտել է Ի. Ստալինի անվան Զրահատանկային և մեքենայացված զորքերի Ռազմական ակադեմիան։ Ծառայել է Հյուսիս-Կովկասյան և Անդրկովկասյան զինվորական օկրուգներում, 1955 թվականին ավարտել է Ռազմա-դիվանագիտական ակադեմիան։ Ծառայել է ռազմական կցորդի օգնական Սիրիայում, Լիբանանում, ռազմական կցորդ՝ Լաոսում, Մարոկոյում, Սիրիայում։ 1977-1982 թվականներին եղել է Ռազմա-դիվանագիտական ակադեմիայի 2-րդ ֆակուլտետի պետ, 1982-1986 թվականներին՝ 35576 զորամասի ֆակուլտետի պետ։
Մրցանակներ խմբագրել
- Կարմիր աստղի շքանշան
- Հայրենական պատերազմի 1-ին աստիճանի շքանշան
- «ԽՍՀՄ ԶՈւ-ում Հայրենիքին ծառայության համար 3-րդ աստիճանի» շքանշան
- «Մարտական վաստակի համար» մեդալ
- «Արիության համար» մեդալ
- «Լենինգրադի պաշտպանության համար» մեդալ
Հիշատակ խմբագրել
Կրասնոյե Սելո քաղաքի (Լենինգրադի մարզ) Զրահատանկային փողոցում տեղադրված է Մնացականյանին նվիրված հուշատախտակ[2]։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 1,7 Հայկական սովետական հանրագիտարան (հայ.) — Երևան: 1981. — հատոր 7. — էջ 651—652.
- ↑ «ՄՆԱՑԱԿԱՆՈՎ (Մնացականյան) ԱԼԵՔՍԱՆԴՐ ՍԻԴՈՐԻ». Արխիվացված է օրիգինալից 2019 թ․ մարտի 23-ին. Վերցված է 2015 թ․ սեպտեմբերի 3-ին.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 651)։ 
|