Ալեքսանդրիայի ազգային թանգարան

Ալեքսանդրիայի ազգային թանգարան
Տեսակ	հնագիտական թանգարան
Երկիր	Եգիպտոս
Տեղագրություն	Ալեքսանդրիա
Վայր	Villa Bassili?
Հասցե	110, El-Horeya Road, AlexandriaEl-Horeya Road? (110)
Հիմնադրվել է	սեպտեմբեր 2003
Կայք	egymonuments.com/locations/details/AlexandriaNationalMuseum(անգլ.) և egymonuments.com/ar/locations/details/AlexandriaNationalMuseum(արաբ.)

Ալեքսանդրիայի ազգային թանգարան (անգլ.՝ Alexandria National Museum), թանգարան Ալեքսանդրիա քաղաքում, որը բացվել է 2003 թվականի դեկտեմբերի 31-ին Եգիպտոսի նախագահ Հոսնի Մուբարաքի կողմից՝ իտալական ոճով վերակառուցված առանձնատանը։

Թանգարանում ներկայացված է մոտ 1800 արտեֆակտ՝ սկսած փարավոնների, հռոմեական, բյուզանդական և իտալական դարաշրջաններից մինչև ներկա ժամանակներ՝ սկսած Մուհամմադ Ալի փաշայի դինաստիայի ժամանակաշրջանից և ավարտած 1952 թվականի հուլիսի 23-ի հեղափոխությամբ։

Պատմություն

Թանգարանը գտնվում է Փաշայի և հարուստ փայտավաճառ Ասադ Բասիլենի (արաբ․՝ أسعد باسيلي‎‎) նախկին առանձնատանը, որը կառուցվել է 1926 թվականին իտալական ոճով։ Եռհարկանի շենքը եղել է Ալեքսանդրիայի բարձր խավի հանդիպման վայր։

Պալատը 1954 թվականին 53 հազար եգիպտական ֆունտով վաճառվել է ամերիկյան դեսպանատան կարիքների համար, իսկ 1997 թվականին Եգիպտոսի հնությունների ծառայությունը այն վերագնել է 12 միլիոն եգիպտական ֆունտով՝ վերածելով այն պետական սեփականության։ Թանգարանը բացվել է 2003 թվականի դեկտեմբերի 31-ին։

Ցուցանմուշներ

Ալեքսանդրիայի ազգային թանգարանում պահվում է մոտ 1800 գտածո, որոնք պատմում են Ալեքսանդրիայի և Եգիպտոսի պատմության մասին։ Այդ ստեղծագործությունների մեծ մասը այստեղ է հասել եգիպտական այլ թանգարաններից։ Թանգարանը հիմնականում կենտրոնացած է երեք հավաքածուների վրա, որոնք գտնվում են երեք հարկերում․

Առաջին հարկ՝ փարավոնների դարաշրջան։ Մումիաները պատկերված են թաղման խցերի վերակրկնությամբ։
Երկրորդ հարկ՝ հելլենիստական և հռոմեական ժամանակաշրջաններ՝ ներառյալ առարկաներ Իրակլիոնից և Կանոպուսից։ Առարկաների թվում են կանապուսյան կժերը, Կարակալլայի կիսանդրին, Մեդուզայի քանդակը, խճանկարային դիմանկարը, որը պատկերում է Բերենիկա II թագուհուն՝ Պտղոմեոս III-ի կնոջը։ Թանգարանում ցուցադրվում է նաև Ալեքսանդր Մակեդոնացու քանդակը^[3]։
Երրորդ հարկ՝ քրիստոնեական և մուսուլմանական դարաշրջաններ^[4], նաև 19-րդ և 20-րդ դարեր^[5]^[6]։