Ադամ Մորտոն
Ադամ Մորտոն FRSC (անգլ.՝ Adam Morton, ծնյալ Ջոն Ադամի Ղարիբյան, անգլ.՝ John Adam Garibian, ապրիլի 22, 1945 - հոկտեմբերի 22, 2020[1]), հայկական ծագումով կանադացի փիլիսոփա։ Իր ուսումնասիրություններում ուշադրության կենտրոնում է պահել այն հարցերը, թե ինչպես ենք մենք հասկանում միմյանց վարքագիծը առօրյա կյանքում, ընդ որում՝ շեշտը դրել է համագործակցային գործունեության մեջ փոխըմբռնելիության դերի վրա։ Նա աշխատություններ է գրել նաև բարոյագիտության, որոշումների կայացման, լեզվի փիլիսոփայության և իմացաբանության թեմաներով։ Նրա վերջին աշխատանքներից մեկը վերաբերում էր մեր բառապաշարին՝ մեր մտածողությունը գնահատելու և վերահսկելու տեսանկյունից։
Ադամ Մորտոն | |
|---|---|
| Ծնվել է | ապրիլի 22, 1945 |
| Մահացել է | հոկտեմբերի 22, 2020[1] (75 տարեկան) |
| Քաղաքացիություն | .svg){kind=small} Կանադա |
| Մասնագիտություն | փիլիսոփա և համալսարանի դասախոս |
| Հաստատություն(ներ) | Ալբերտայի համալսարան, Բրիստոլի համալսարան և Բրիտանական Կոլումբիայի համալսարան |
| Գործունեության ոլորտ | լեզվի փիլիսոփայություն[2] |
| Անդամակցություն | Կանադայի թագավորական ընկերություն և Aristotelian Society? |
| Ալմա մատեր | Փրինսթոնի համալսարան |
| Տիրապետում է լեզուներին | անգլերեն[2] |
| Պարգևներ | |
| Կայք | fernieroad.ca/a |
Մորտոնը 1980-2000 թվականներին փիլիսոփայության պրոֆեսոր է եղել Մեծ Բրիտանիայում՝ Բրիստոլի համալսարանում։ Իր գիտա-մանկավարժական կարիերան ավարտել է Կանադայում՝ Բրիտանական Կոլումբիայի համալսարանում։ 1998–1999 թվականներին եղել է Արիստոտելյան ընկերության նախագահ[3]։ 2006 թվականին ընտրվել է Կանադայի թագավորական ընկերության անդամ[4]։
Աշխատություններ խմբագրել
Մորտոնի հեղինակած ուշագրավ աշխատություններից են հետևյալները.
- Frames of Mind: Constraints on the Common Sense Conception of the Mental (1980)
- Disasters and Dilemmas: Strategies for Real-life Decision Making (1990)
- The Importance of Being Understood: Folk Psychology as Ethics (2002)
- On Evil (2005)
- Bounded Thinking: Intellectual Virtues for Limited Agents (2012)
- Emotion and Imagination (2013)
Ադամ Մորտոնը հեղինակ է նաև երկու դասագրքի՝ A Guide Through the Theory of Knowledge (2002) և Philosophy in Practice (2003).[5]: Բացի այդ, նա Սթիֆեն Սթիչի հետ համագործակցելով՝ խմբագրել է Benacerraf and His Critics (1997) գիրքը[6]։
Ծանոթագրություններ խմբագրել
- ↑ 1,0 1,1 1,2 https://philosophy.ubc.ca/news/adam-morton-april-22-1945-october-22-2020/
- ↑ 2,0 2,1 Չեխիայի ազգային գրադարանի կատալոգ
- ↑ «The Council». The Aristotelian Society. 2012 թ․ հոկտեմբերի 5. Վերցված է 2012 թ․ նոյեմբերի 18-ին.
- ↑ «News & Events - University of Alberta». Expressnews.ualberta.ca. Արխիվացված է օրիգինալից 2007 թ․ մարտի 10-ին. Վերցված է 2012 թ․ նոյեմբերի 18-ին.
- ↑ «New papers grid».
- ↑ Monk, Ray (1997 թ․ մարտի 14). «It all adds up to a powerful figure». Times Higher Education. TSL Education. ISSN 0049-3929.
Արտաքին հղումներ խմբագրել
| Նախորդող: Ջոն Քոթինգհեմ |
Արիստոտելյան ընկերության նախագահ 1998–1999 |
Հաջորդող: Դևիդ Ուիգինս |