Ագամեմնոն Շլիման
Ագամեմնոն Շլիման (հուն․՝ Αγαμέμνων Σλήμαν, մարտի 16, 1878, Փարիզ - նոյեմբերի 11, 1954, Նյոյի սյուր Սեն), հույն դիվանագետ և քաղաքագետ։
Ագամեմնոն Շլիման հուն․՝ Αγαμέμνων Σλήμαν | |
---|---|
Ծնվել է | մարտի 16, 1878 |
Ծննդավայր | Փարիզ |
Մահացել է | նոյեմբերի 11, 1954 (76 տարեկան) |
Մահվան վայր | Նյոյի սյուր Սեն |
Քաղաքացիություն | ԱՄՆ և Հունաստան |
Մայրենի լեզու | հունարեն |
Մասնագիտություն | քաղաքական գործիչ և դիվանագետ |
Ծնողներ | հայր՝ Հենրիխ Շլիման, մայր՝ Սոֆյա Շլիման |
Զբաղեցրած պաշտոններ | Էպիրուսի գեներալ-նահանգապետ, Հունաստանի խորհրդարանի անդամ, Հունաստանի խորհրդարանի անդամ և Հունաստանի դեսպան ԱՄՆ-ում |
Կուսակցություն | Ժողովրդական կուսակցություն |
Agamemnon Schliemann Վիքիպահեստում |
Հնագետ Հենրիխ Շլիմանի և նրա երկրորդ կնոջ՝ Սոֆյա Շլիմանի որդին։
Կենսագրություն խմբագրել
Ագամեմնոն Շլիմանը ծնվել է 1878 թվականին։ Նրա մոր համար դա հինգերորդ հղիությունն էր և երկրորդ հաջող ավարտ ունեցածը։ Անվանակոչվել է ի պատիվ հին հունական դիցաբանության հերոսներից մեկի՝ Ագամեմնոնի, որը Միկենիայի թագավորն էր, որտեղ նրա հայրն ու մայրը պեղումներ էին կատարում[1]։ Հենրիխ Շլիմանը որդու ծննդից հետո կատարել է հետևյալ արարողությունը. նա նորածնին տարել է տանիք, նվիրաբերել է Արեգակին, ապա գլխով դիպցրել է Հոմերոսի հատորին։ Մկրտության ժամանակ անմիջապես Շլիմանը փորձել է չափել սուրբ ջրի ջերմաստիճանը` գրեթե խախտելով հաղորդության խորհուրդը։
Հայրը մահացել է, երբ Ագամեմնոնը 12 տարեկան է եղել։ Կրթություն և դոկտորական աստիճան ստացել է Փարիզում, որտեղ կտակով նրան տուն էր բաժին հասել, ինչպես նաև կալվածքներ Թեսալիայում։ 1902 թվականին ծովային ճանապարհորդության ժամանակ հանդիպել է 16-ամյա ամերիկուհի Նադին դե Բորնեմանին և ամուսնացել է նրա հետ Նյու Յորքում[2]։ Այդ ժամանակ էլ ընդունել է ամերիկյան քաղաքացիություն, որն ունեցել էր և նրա հայրը։
Հունաստանում քաղաքական գործունեություն է ծավալել, եղել է խորհրդարանի պատգամավոր (ներկայացրել է Լարիսան), իսկ 1914 թվականին նշանակվել է ԱՄՆ-ում դեսպան[3][4]։ Նադին դե Բորնեմանից ամուսնալուծվելուց հետո ֆինանսական լուրջ դժվարություններ է ունեցել, այնպես, որ 1926 թվականին մայրը վաճառել է ընտանեկան «Իլիոնի պալատ» կեցավայրը հունական պետությանը, իսկ գումարը փոխանցել է որդուն, որպեսզի օգնի նրան։ 1935 թվականին եղել է Էպիրուսի նահանգապետ։ Հետագայում ապրել է Ֆրանսիայում, որտեղ բավականին հաջող փորձել է պայքարել Հունաստանի գերմանական բռնազավթման դեմ։ Պատերազմից հետո նշանակվել է դեսպանորդ Ֆրանսիայում։ Ամուսնացել է երկրորդ անգամ, բայց երեխաներ չի ունեցել։ Մահացել և թաղվել է Փարիզում[5]։
Ծանոթագրություններ խմբագրել
- ↑ Ванденберг, 1996, էջ 267—268
- ↑ «Son of Ancient Troy's Excavator Got His Parisienne. Agamemnon Schliemann and Nadine de Bornemann Induced to Undergo a Civil Ceremony by Family Lawyers». The New York Times. 1902 թ․ հունիսի 22. Վերցված է 2011 թ․ հունվարի 26-ին.
- ↑ «To Be New Greek Minister. M. Schliemann, Son of the Famous Scholar, Coming to America». New York Times. 1914 թ․ հունվարի 8. Վերցված է 2011 թ․ հունվարի 26-ին. «Agamemnon Schliemann, who represents Larissa in the Greek Chamber of Deputies, was to-day appointed Minister at Washington in succession to L. A. Coromilas, according to a telegram from Athens.»
- ↑ «Bryan Testifies». The Pittsburgh Press. 1916 թ․ հունվարի 5. Վերցված է 2011 թ․ հունվարի 26-ին. «... that while secretary of state he had seen any letter written to influence him against Agamemnon Schliemann, former Greek minister to the United States. ...»
- ↑ Ванденберг, 1996, էջ 572
Վիքիպահեստն ունի նյութեր, որոնք վերաբերում են «Ագամեմնոն Շլիման» հոդվածին։ |