Աբովյանի թիվ 7 հիմնական դպրոց
Աբովյանի թիվ 7 հիմնական դպրոց Հայաստանի Կոտայքի մարզի Աբովյան քաղաքում։
| Աբովյանի թիվ 7 հիմնական դպրոց | |
|---|---|
 | |
| Տեսակ | դպրոց |
| Հիմնադրված է | 1973 |
| Տնօրեն | Գոհար Ժորայի Գասպարյան |
| Երկիր |  Հայաստան |
| Տեղագրություն | Աբովյան |
| Հասցե | քաղաք Աբովյան, 2-րդ միկրոշրջան[1] |
| Կայք | abovyan7.schoolsite.am |
Դպրոցի պատմություն խմբագրել
1973 թվականին Աբովյանի թիվ 7 հիմնական դպրոցը հիմնադրվել է որպես միջնակարգ դպրոց՝ նախատեսված 1400 աշակերտի համար, այնուհետև 2010 թվականին վերակազմավորվել է որպես հիմնական դպրոց[2]։ Առաջին տնօրենն եղել է Իշխան Եգորի Հովակիմյանը, որը դպրոցը ղեկավարել է մինչև 1995 թվականը։ Այնուհետև տնօրենի պաշտոնը զբաղեցրել են Գագիկ Անդրանիկի Հակոբյանը (1995-2008 թվականներ), Մելանյա Վիգոյի Մարտիրոսյանը (2009-2012 թվականներ)։ 2012 թվականից դպրոցի տնօրեն է ընտրվել Գոհար Ժորայի Գասպարյանը[3]։
1973-1995 թվականներն ընկած ժամանակահատվածում դպրոցը տվել է տասից ավելի ոսկե և արծաթե մեդալակիր շրջանավարտներ։ Դպրոցն իր գործունեության տարիների ընթացքում ունեցել է բազմաթիվ շրջանավարտներ, որոնցից շատերն իրենց գործունեությունն են ծավալում առողջապահության, կրթության, մշակույթի ոլորտներում և ուժային կառույցներում։
2014 թվականից սկսած դպրոցում իրականացվում է ներառական կրթություն։
Դպրոցը բաղկացած է երկու մասնաշենքից, որտեղ կա գրադարան, համակարգչային սենյակ, սպորտդահլիճ, լաբորատորիա, ճաշարան, բուժկետ, ռեսուրս կաբինետներ և այլն։ 2016 թվականից գործում է արմաթ ռոբոտաշինության խմբակ։ Դպրոցի ՆԶՊ կաբինետն անվանակոչվել է Արցախյան պատերազմի մասնակից Մխիթար Աբելի Գաբրիելյանի անվամբ։ Դպրոցի այգում տեղադրված է հուշաքար՝ զոհված ազատամարտիկների հիշատակին։
Զոհված ազատամարտիկներ խմբագրել
- Վոլոդյա Ղազարի Ղազարյան(1970-1995 թվականներ) զոհվել է Աղդամում
- Մխիթար Աբելի Գաբրիելյան (1971-1994 թվականներ) զոհվել է Թալիշում
- Ալիկ Ռաֆիկի Ոսկանյան (1976-1995 թվականներ) զոհվել է Մատաղիսում
- Հարություն Վալերիի Բաբաջանյան (1971-1993 թվականներ) զոհվել է Կուբաթլու
- Պավել Էդիկի Չոբանյան (1965-1992 թվականներ) զոհվել է Վահանում
- Հովհաննես Ալեքսանի Հովհաննիսյան (1973-1993 թվականներ) զոհվել է Գյուլիստանում
- Գրիգոր Ռուբիկի Սարուխանյան (1974թ անհետ կորել է Հորադիզում 1994թ ապրիլի 20-ին)
Հայտնի շրջանավարտներ խմբագրել
- Անդրանիկ Ալբերտի Հարությունյան (ԱԺ պատգամավոր)[4]
- Արտակ Լյուդվիկի Դավթյան, քաղաքական գործիչ
- Արտակ Երջանիկի Մովսիսյան
- Հրաչյա Ռաֆայելի Հովհաննիսյան, գիտությունների թեկնածու[5]
Ծանոթագրություններ խմբագրել
- ↑ «ԱԲՈՎՅԱՆԻ ԹԻՎ 7 ՀԻՄՆԱԿԱՆ ԴՊՐՈՑ համայնքային ոչ առևտրային կազմակերպություն (ՊՈԱԿ)». Արխիվացված է օրիգինալից 2020 թ․ հուլիսի 24-ին. Վերցված է 2020 թ․ հուլիսի 24-ին.
- ↑ «ԴՊՐՈՑԻ ՊԱՏՄՈՒԹՅՈՒՆԸ —». abovyan7.schoolsite.am. Արխիվացված է օրիգինալից 2020 թ․ հուլիսի 22-ին. Վերցված է 2020 թ․ հուլիսի 22-ին.
- ↑ «ՏՆՕՐԵՆՈՒԹՅՈՒՆ —». abovyan7.schoolsite.am. Արխիվացված է օրիգինալից 2020 թ․ հուլիսի 22-ին. Վերցված է 2020 թ․ հուլիսի 23-ին.
- ↑ «Կուսակցության խորհուրդը - Կառուցվածք - Հայաստանի Հանրապետական կուսակցություն». www.hhk.am. Վերցված է 2020 թ․ հուլիսի 22-ին.
- ↑ «Հրաչյա Ռաֆայելի Հովհաննիսյան». Արխիվացված է օրիգինալից 2020 թ․ հուլիսի 24-ին. Վերցված է 2020 թ․ հուլիսի 24-ին.