Աբեղախոտ միամյա
| Աբեղախոտ միամյա | |
 Աբեղախոտ միամյա | |
| Դասակարգում | |
| Թագավորություն | Բույսեր (Plantae) |
| Տիպ/Բաժին | Անոթավոր բույսեր (Tracheophytes) |
| Ենթատիպ | Սերմնավոր բույսեր (Spermatophytes) |
| Կարգ | Խուլեղինջածաղկավորներ (Lamiales) |
| Ընտանիք | Խուլեղինջազգիներ (Lamiaceae) |
| Ենթաընտանիք | Խուլեղինջայիններ (Lamioideae) |
| Ցեղ | Աբեղախոտ (Stachys) |
| Տեսակ | Աբեղախոտ միամյա (S. annua) |
| Միջազգային անվանում | |
| Stachys annua | |
Աբեղախոտ միամյա (լատին․՝ Stáchys ánnua), խուլեղինջազգիների ընտանիքի աբեղախոտ ցեղին պատկանոտ մոլախոտ։ Ունի լավ ճյուղավորված ու խիտ արմատամազիկներով պատված առանցքային արմատային համակարգ։ Բույսը պատված է վերևից դեպի ներքև ուղղված ցանցառ մազիկներով։ Ցողունն ունի 15-30 սմ երկարություն։ Ունի սղոցաձև տերևներ, ստորին տերևները ձվաձև երկարավուն են, միջին տերևներն ավելի նեղ են, իսկ վերևինները՝ նշտարաձև և առանց կոթունի։ Ծաղկի բաժակը գեղձային թավ ունի, պսակը դեղին է՝ ստորին մասում կարմիր կետերով։ Պտուղը գորշ գույնի ընկուզիկ է, սերմերը մանր են։ Բազմանում է միայն սերմերով։
Տարածված է երկրագնդի բարեխառն գոտիներում։ Հայաստանի նախալեռնային, լեռնային ու անտառալեռնատափաստանային գոտում է հանդիպում։
Հայաստանում տարածված աբեղախոտի միակ միամյա տեսակն է։ Նրանք հիմնականում տարածվում են հողի վարելաշերտում, իսկ նպաստավոր պայմաններում՝ ավելի խորը։ Գլխավոր ցողունի և տերևածոցերից դուրս եկած ճյուղավորումների վրա օղակներով նստած է 3—6 ծաղկից բաղկացած ծաղկափթթությունը։ Ծաղկի բաժակը գեղձային թավ ունի, պսակը դեղին է, ստորին շուրթի վրա կան կարմիր կետեր։ Այն աղբոտում է հացաբույսերի, բանջարաբոստանային, բազմամյա և միամյա խոտաբույսերի ցանքերն ու ցելադաշտերը։
Աղբյուրներ
խմբագրել- Ռ․ Ս․ Կարապետյան - Հայաստանում տարածված մոլախոտերի ատլաս։ Լույս հրատարակչություն, Երևան, 1980
 | Վիքիցեղերն ունի նյութեր, որոնք վերաբերում են «Աբեղախոտ միամյա» հոդվածին։ |
 | Վիքիպահեստն ունի նյութեր, որոնք վերաբերում են «Աբեղախոտ միամյա» հոդվածին։ |
|
Սա բույսերի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |