Աբաջիկ
Աբաջիկ, լեռ Հայկական լեռնաշխարհի կենտրոնական հատվածում։
Աբաջիկ | |
---|---|
Տեսակ | լեռ |
Երկիր | ![]() |
Վարչատարածքային միավոր | Աղրըի մարզ |
Լեռնաշղթա | Վասպուրականի լեռներ |
![]() ![]() | |
Անվանում
խմբագրելԼեռան անվանման հնարավոր վարկած է դրա թյուրքական ծագումը. ժամանակակից թուրքերենով «abacı» նշանակում է «դերձակ»։ Այս անվանումով եղել են բնակավայրեր, կան ազգանուններ ինչպես հայերի շրջանում (Աբաջյան, Աբաջյանց, Ապաճյան), այնպես էլ օտարների (Աբաջիև)։
Տեղադրություն
խմբագրելԱբաջիկ լեռը գտնվում է Արարատից հարավ՝ Վասպուրականի կամ Կոտուրի (թուրքերեն՝ Van Doğusu Dağları) լեռնաշղթայում։ Լեռան հյուսիսում գտնվում է Բայազետի գոգավորությունը (Ալաշկերտի դաշտ), որով հոսող Մակու գետը Իրանի տարածքում միանում են Արաքսին։ Ալաշկերտի՝ Աբաջիկ լեռան հարող հատվածը ժամանակին հայտնի էր որպես Ձիրավի դաշտ։ 371 թվականին այստեղ տեղի է ունեցել ճակատամարտ՝ հայ-հռոմեական և պարսկական զորքերի միջև։
Համաձայն Թուրքիայի վարչատարածքային բաժանման՝ լեռը գտնվում է Աղրըի մարզի Բայազետի շրջանում, Իրանի սահմանից ոչ հեռու։ Այդտեղից 25 կմ հյուսիս գտնվում է մարզկենտրոն Բայազետը[1]։ Լեռան ստորոտով անցնում է Բայազետ-Մակու ճանապարհը, որն Արտազի դաշտը կապում է Բայազետի գոգավորությանը։
Ծանոթագրություններ
խմբագրել- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Գ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 2 — 992 էջ։