«Weird!», անգլիացի երգիչ Yungblud-ի երկրորդ ստուդիական ալբոմ, որը թողարկվել է 2020 թվականի դեկտեմբերի 4-ին Locomotion և Interscope Records լեյբլների կողմից։ Ի սկզբանե ալբոմը պետք է թողարկվեր 2020 թվականի նոյեմբերի 13-ին, սակայն հետաձգվել է COVID-19 համավարակի պատճառով[4]։ Այն Yungblud-ի առաջին ալբոմն է «21st Century Liability» (2018) ստուդիական ալբոմից հետո։ Ալբոմն աջակվել է վեց սինգլներով․ «Weird!», «Strawberry Lipstick», «God Save Me, but Don't Drown Me Out», «Cotton Candy», «Mars» և «Acting Like That», և ներառել է համագործակցություններ Machine Gun Kelly-ի, Թրևիս Բարքերի և Դեն Ռեյնոլդսի հետ։
2019 թվականի դեկտեմբերի 2-ին Yungblud-ն իր սոցիալական ցանցերում հայտարարել է, որ կարճ դադար է վերցնում՝ երկրորդ ալբոմի վրա աշխատելու համար[5]։ Հաջորդ օրը երգիչը պարզաբանել է, որ արձակուրդ չի վերցնում, այլ պարզապես ժամանակ է վերցնում երկրորդ ալբոմն ավարտելու համար[6]։ Դեկտեմբերի 3-ին Մեթ Շվարցն իր ինստագրամյան կայքէջում լուսանկար է հրապարակել, որի վրա պատկերված է եղել ինքը և Հարիսոնը՝ գրելով, որ նրանք աշխատում էին երկրորդ ստուդիական ալբոմի վրա Իսպանիայում[7]։
Ալբոմի ստեղծման ամբողջ ընթացքում Yungblud-ը ժամանակ առ ժամանակ թվիթթերյան իր կայքէջում հատվածներ էր հրապարակում, որոնք երգերի տեքստեր էին թվում։ 2020 թվականի մայիսին NME-ի հետ հարցազրույցի ժամանակ երգչին հարցրել են ալբոմի մասին, ինչին նա պատասխանել է, որ․ «ալբոմը պատրաստ է, և մենք պատրաստվում ենք սկսել դրա թողարկումը։ [Weird!-ը] այն ժամանակաշրջանի առաջին շախմատային քայլն է։ [Ալբոմի վրա] շատ բազմազանություն կա՝ այն նման է «Սքիներ» սերիալի սերիաներից մեկին ալբոմի մեջ։ Ժամանակների սկզբից մարդիկ այնքան բարդ էին և միաժամանակ մեկի մեջ 15 տարբեր անհատների նման էին՝ բայց մենք առաջին սերունդն ենք, որն ընդունում է այն և գիտի, որ նորմալ է լինել այն, ով դու կաս»[8]։