Respect (երգ)
Respect (հայերեն՝ հարգանք), ռիթմ էնդ բլյուզ ժանրի երգ՝ գրված 1965 թվականին Օթիս Ռեդինգի կողմից և հրապարակված ԱՄՆ-ում՝ որպես սինգլ։ Երկու տարի անց, Արետա Ֆրանկլինի կատարմամբ, երգը դառնում է սուպերհիթ և այդ ժամանակից «սոուլի թագուհու» այցեքարտը։
| «Respect» | |
|---|---|
| -ի սինգլը | |
| Ժանր | սոուլ |
| Լեյբլ | Stax Records և Atco Records |
| Պրոդյուսեր | Jerry Wexler? |
Ռեդինգի երգի սկզբնական տարբերակում տղամարդը խնդրում է կնոջը հարգել իրեն, երբ վերադառնում է աշխատանքից, իսկ դրա փոխարեն խոստանում է աչք փակել կնոջ թերությունների վրա։ Արետա Ֆրանկլինը փոխել է երգի բառերը և այն վերածել ուժեղ կնոջ մենախոսության, որը հարգանք է պահանջում։ Այս տարբերակում մեծ է երգչախմբի և կրկներգի դերը, որը կազմված է R-E-S-P-E-C-T բառի տառ առ տառ արտասանումից։
Արետա Ֆրանկլինի ձայնագրությունը, որի պրոդյուսերը Ջերի Վեքսլերն էր, արժանացել է երկու «Գրեմի» մրցանակի և երկու շաբաթ շարունակ գլխավորել է Billboard Hot 100 հիթ շքերթը։ Երգը դարձավ Ֆրանկլինի առաջին միջազգային հիթը՝ հայտնվելով բրիտանական շքերթների առաջին տասնյակում։ Ժամանակի ընթացքում երգը դառնում է սեռերի հավասարության հիմնը[1] և հնչում տասնյակ գեղարվեստական ֆիլմերում[2]։ Այն հաճախ են կատարում ֆեմինիստական միջոցառումնների ժամանակ։
Մրցանակներ խմբագրել
- «Գրեմի» մրցանակի փառքի դահլիճ (1987)
- National Recording Registry (2002)
- Rolling Stone ամսագրի 500 հզորագույն երգեր ցանկ — № 5
- «Դարի երգեր» ըստ RIAA-ի — № 4
Ծանոթագրություններ խմբագրել
Գրականություն խմբագրել
- Soeder, John. «The inside story behind Aretha Franklin's chart topping anthem». Sun News.
{{cite web}}: Missing or empty|url=(օգնություն) - The Very Best of Otis Redding. Rhino/Atlantic Recording Corporation, 1992. Los Angeles, CA.
- I Never Loved a Man the Way I Love You. Atlantic Recording Corporation, 1967. New York, NY.
- Guralnick, Peter (1999). Sweet Soul Music: Rhythm and Blues and the Southern Dream of Freedom. Back Bay Books. ISBN 978-0-316-33273-6. OCLC 41950519. Արխիվացված է օրիգինալից 2012 թ․ ապրիլի 5-ին.