Մինիքս
Մինիքս (մինի-Յունիքս), ազատ յունիքսանման միկրոմիջուկային օպերացիոն համակարգ, որն տարածվում է ԲիԷսԴի արտոնագրի ներքո։ Էնդրյու Տանենբաումը Մինիքսի առաջին տարբերակն ստեղծել է 1987 թ․-ին՝ որպես «Օպերացիոն համակարգեր։ Մշակումն ու իրականացումը» գրքում տեղ գտած օրինակ։ Սկզբնական շրջանում Մինիքսի նպատակն էր սովորեցնել ուսանողներին համակարգիչների և օպերացիոն համակարգերի կառուցվածքը։ Մինիքսի ելակոդերով օպերացիոն համակարգերն ուսումնասիրող ուսանողներից է Լինուս Տորվալդսը՝ Լինուքս օպերացիոն համակարգի ստեղծողը։ Չնայած այդ փաստին, Մինիքսի ելակոդը տարբերվում է Լինուքսի կոդից, բայց երկուսն էլ յունիքսանման օպերացիոն համակարգեր են, նույն հրամանների հավաքածույով։
 | |
| Տեսակ | յունիքսանման օպերացիոն համակարգ |
|---|---|
| Ստեղծող | Էնդրյու Տանենբաում |
| Ընտանիք | յունիքսանման օպերացիոն համակարգ |
| Առաջին թողարկում | 1987[1] |
| Առկա է | անգլերեն |
| Արտոնագիր | BSD վերափոխված արտոնագիր[2][3][4] |
| Զարգացման կարգավիճակ | արդիական |
| Կայք | minix3.org(անգլ.) |
| ելակոդ | git.minix3.org/?p=minix.git |
 MINIX Վիքիպահեստում | |
2008 թ. նոյեմբերի 1-ին Էնդրյու Տանենբաումը Եվրոպական հետազոտական խորհրդի կողմից 2,5 միլիոն եվրոյի չափով ֆինանսավորում է ստանում «Իրոք ապահով ու անվտանգ ծրագրային ապահովումների հետազոտությունների» համար։ Այդ ֆինանսավորումը օգնեց Մինիքս 3 օպերացիոն համակարգն աջակցելուն ու զարգացնելուն[5]։