Hayk Freestyle

Hayk Freestyle; Հայկ Աղաքարյան
Ծնվել է	հունվարի 27, 1996
Ծննդավայր	Արթիկ, Հայաստան
Քաղաքացիություն	ՀՀ
Ազգություն	Հայ
Մասնագիտություն	Բլոգեր, Ֆուտբոլ ֆրիսթայլեր
Ծնողներ	Արտակ Աղաքարյան Գայանե Եղոյան
Պարգևներ և ; մրցանակներ	ՀՀ ռեկորդակիր

Հայկ Արտակի Աղաքարյան (հունվարի 27, 1996, Արթիկ, Հայաստան, առավել հայտնի որպես՝ Hayk Freestyle), հայ բլոգեր, ֆուտբոլ ֆրիսթայլեր։ 2021 թվականին գրանցել է առաջին ռեկորդը՝ ՀՀ Դյուցազնագրքում^[1]^[2]։ 2023 թվականից համարվում է "Street Ball Armenia" սպորտային կազմակերպության հիմնադիր-նախագահը (Դավիթ Մանոյանի հետ համատեղ)։

Կենսագրություն

Վաղ մանկություն և ուսում

Ծնվել է 1996 թվականի հունվարի 27-ին Շիրակի մարզի Արթիկ քաղաքում։ 2002 թվականից սովորել է Շիրակի մարզի Արթիկ քաղաքի թիվ 4 միջնակարգ դպրոցում։ 2010-2013 թվականներին սովորել է Արթիկի թիվ 3 ավագ դպրոցում։ 2013-2019 թվականներին սովորել է Հայաստանի պետական տնտեսագիտական համալսարանի հաշվապահական հաշվառում և աուդիտ ֆակուլտետի տնտեսագիտական վերլուծություն բաժնում։ 2014-2016 թվականներին ծառայել է ՀՀ Զինված ուժերում՝ Պատվո-պահակային վաշտում։ 2019-2021 թվականներին սովորել է Հայաստանի պետական կառավարման ակադեմիայի հանրային ֆինանսների կառավարման բաժնում։ Փոքրուց մեծ սեր է ունեցել սպորտաձևերի հանդեպ և ընտրել է ֆուտբոլը, ֆուտբոլ ֆրիսթայլը։ Դեռևս պատանեկությունից սկսած սովորել է տարբեր հնարքներ կատարել ֆուտբոլային գնդակով։

Գործունեություն և ռեկորդներ

2020 թվականից սկսել է նկարել տարբեր կարճ տեսանյութեր՝ ֆուտբոլ ֆրիսթայլի մասին։ 2021 թվականին գրանցել է առաջին ռեկորդը՝ ՀՀ Դյուցազնագրքում, հնարքի անունը՝ երեք պտույտ գնդակի շուրջ (PATW - Palle around the world): Հետո գրանցել է նոր ռեկորդ՝ միաժամանակ 5 գնդակի պտույտ մարմնի վրա, ավելի ուշ՝ 6 գնդակի պտույտ մարմնի վրա^[3]։ 2023 թվականից համարվում է "StreetBall Armenia" սպորտային կազմակերպության հիմնադիր-նախագահը (Դավիթ Մանոյանի հետ համատեղ)։ "Street Ball Armenia"-ն իրականացնում է տարբեր սպորտային միջոցառումներ՝ Երևանում և ՀՀ մարզերում։

2023 թվականից հանդես է գալիս Կիլիկիա ֆուտբոլային ակումբում^[4]^[5]^[6]^[7]։

2024 թվականին Աշխարհի ֆուտբոլ ֆրիսթայլի ասոցիացիայի (անգլ․՝ World Freestyle Football Association) կողմից նշանակվել է Ֆուտբոլ ֆրիսթայլի Հայաստանի ներկայացուցիչ^[8]։

Ծանոթագրություններ

Արտաքին հղումներ

[1] ՀՀ Դյուցազնագիրք․ Հատոր 1

[2] ՀՀ Դյուցազնագիրք․ Հատոր 2

[3] Նոր ռեկորդ Հայկ Ֆրիսթայլից

[4] Hayk Freestyle, FC Cilicia - Football Database

[5] Hayk Aghakaryan (Hayk Freestyle - Besoccer)

[6] Hayk Freestyle - Transfermarkt.com

[7] Hayk Freestyle, FC Cilicia - SofaScore

[8] World Freestyle Football Association - Hayk Freestyle, Armenia

[1]

[2]

[3]

[4]

[5]

[6]

[7]

[8]