Belcolore
«Belcolore» (անգլ.՝ Belcolore), անգլիացի պրեռաֆայելիտ նկարիչ Դանթե Գաբրիել Ռոսսետտիի նկարը՝ ստեղծված 1863 թվականին։ Ներկայումս նկարը գտնվում է մասնավոր հավաքածուում։
 | |
|---|---|
 | |
| տեսակ | գեղանկար |
| նկարիչ | Դանթե Գաբրիել Ռոսսետտի |
| տարի | 1863 |
| բարձրություն | 26,7 սանտիմետր |
| լայնություն | 26,7 սանտիմետր |
| նյութ | յուղաներկ և փայտե տախտակ |
| հավաքածու | անհայտ |
Ծանոթագրություններ | |
Տեղեկություն նկարի մասին
խմբագրելԱշխատանքի անվանումը համընկնում է 1866 թվականի «Մոննա Վաննա» նկարի այլընտրանքային և «Երեք երգ» եռապատկերի առաջին մասի անվանումների հետ[1]։
Նկարում պատկերված է Մոննա Բելկոլորեն՝ լեգենդար գեղեցկությամբ գյուղացի կինը՝ Ջովաննի Բոկաչչոյի «Դեկամերոն» ստեղծագործության հերոսուհին[2]։ Աշխատանքն իրենից ներկայացնում է աղջկա գլխի պատկեր, որը կծում է վարդի կոկոնը, կլոր շրջանակով է։ Նրա բնութագրական նրբին երկարացված պարանոցը պսակվում է երազային, երկիմաստ թախծով պատված դեմքով[2]։ Ռոսսետտին դիտողի համար հանելուկային և ցանկալի է թողնում՝ իմանալու ավելին, թե ում է այդ կինը վարդի միջոցով գայթակղիչ կերպով հրապուրում[2]։ Աշխատանքն ստեղծվել է Ջորջ Բոյսի համար[3]։ Բոկաչչոյի միջնադարյան գունեղ պատմությունները բազմաթիվ պրեռաֆայելիտ նկարիչների համար դարձել են ռոմանտիկ սյուժեների աղբյուր, որոնց չեն անդրադարձել Վերածննդի գեղանկարիչները[2]։
Նկարի էսքիզը, որը կատարվել է կարմիր պաստելով, ավարտվել է 1863 թվականի հունիսի 16-ին։ Իսկ 1868 թվականին Ու. Թյորների պատվերով ստեղծվել է մեծացված չափսերով ջրաներկ վերարտադրանկարը (վերափոխվել է 1874-1875 թվականներին)[1]։ Վիրջինիա Սյորտիսը ենթադրել է, որ «Վարդ։ Լեդին պատուհանի մոտ» անվամբ հայտնի ջրաներկ նկարը նույնական է վերարտադրանկարի հետ, արված է Թյորների համար[1]։
Ծանոթագրություններ
խմբագրել- ↑ 1,0 1,1 1,2 «Belcolore». Rossetti Archive (անգլերեն).
- ↑ 2,0 2,1 2,2 2,3 «Dante Gabriel Rossetti, Belcolore». Sotheby's (անգլերեն).
- ↑ Marillier, Henry Currie. Dante Gabriel Rossetti: an illustrated memorial of his art and life. — George Bell and Sons, Chiswick Press, Charles Whittingham and Co., 1899. — С. 130.