Ֆոնսեկա (նեղուց)
Ֆոնսեկա (իսպ.՝ Golfo de Fonseca), նեղուց Խաղաղ օվկիանոսի արևելյան մասում, ողողում է Սալվադորի, Հոնդուրասի և Նիկարագուայի ափերը։
| Ֆոնսեկա | |
|---|---|
 | |
| Տեսակ | ծոց |
| Երկիր |  Հոնդուրաս,  Նիկարագուա և  Սալվադոր |
| Մակերես | 3200 կմ² |
| Կազմված է | Bahía de La Unión?, Q25268915?, Meanguera del Golfo?, Isla Zacatillo?, Q5921522?, Isla Martín Pérez?, Isla Zacate Grande?, Q25280813? և Islotes de Cosigüina? |
| Մասն է | Խաղաղ օվկիանոս |
| Լիճ հոսող գետ | Nacaome River? |
 | |
 | |
Անվան ծագում խմբագրել
Ֆոնսեկա նեղուցը հայտնագործվել է 1522 թվականին իսպանացի կոնկիստադոր Խիլ Գոնսալես դե Ավիլոյի կողմից և կոչվել է իր խնամակալ, Քրիստափոր Կոլոմբոսի երդվյալ թշնամի, արքեպիսկոպոս Խուան Ֆոնսեկայի պատվին։
Ընդհանուր տեղեկություններ խմբագրել
Նեղուցի տարածքը կազմում է 3200 կմ², երկարությունը՝ 74 կմ, լայնությունը մուտքի մոտ՝ 35 կմ, առավելագույն խորությունը՝ 27 մ։ Մակընթացությունը կեսօրյա է, դրա մեծությունը մինչև 4,4 մետր է։ Ափագծի երկարությունը կազմում է 261 կմ, որից 185 կմ գտնվում է Հոնդուրասում, 40 կմ՝ Նիկարագուայում, և 29 կմ՝ Սալվադորում։
Նեղուցի ափերին տեղաբաշխված են մի շարք քաղաքներ`
Սալվադորում՝ Լա-Ունիոն
Հոնդուրասում՝ Սան Լորենսոն, Պուերտո-Գրանդեն, Ամապալան
Նիկարագուայում՝ Պուերտո-Մորասան, Էլ Կարմենը
Խոշոր կղզիներն են՝ Էլ-Տիգրեն, Սակատ-Գրանդեն, Մեանգուերան, Մեանգուերիտան, Կոնչագուիտան։ Նեղուցը գտնվում է ակտիվ սեյսմիկ գոտում, նրա կղզիներում և ափերին հաճախ երկրաշարժեր են լինում[1]։ Նեղուցի մուտքի մոտ՝ ափի երկու կողմերում գտնվում են կենտրոնաամերիկյան հրաբխային համակարգի մեջ մտնող Կոնչագուա և Կոնսիգուինա հրաբուխները։
Նեղուցը երկար ժամանակ նրան հարող երեք պետությունների տարածքային վեճերի պատճառ էր և միայն 1992 թվականին, Միջազգային դատարանի որոշմամբ հաջողվեց հաշտության հասնել։ Մեանգուերա, Մեանգուերիտա, Կոնչագուիտա կղզիների նկատմամբ հսկողության իրավունքը ստացավ Սալվադորը, Էլ-Տիգրե և Սակատ-Գրանդե կղզիները հասան Հոնդուրասին։
Ծանոթագրություններ խմբագրել
Արտաքին հղումներ խմբագրել
- UNESCO
- Land, Island and Maritime Frontier Dispute (El Salvador/Honduras: Nicaragua intervening) Արխիվացված 2014-03-05 Wayback Machine, International Court of Justice case registry
- Application for Revision of the Judgment of 11 September 1992 in the Case concerning the Land, Island and Maritime Frontier Dispute (El Salvador/Honduras: Nicaragua intervening) (El Salvador v. Honduras) Արխիվացված 16 Նոյեմբեր 2014 Wayback Machine, International Court of Justice case registry
Աղբյուրներ խմբագրել
- Фонсека (залив) — статья из Большой советской энциклопедии.
 | Վիքիպահեստն ունի նյութեր, որոնք վերաբերում են «Ֆոնսեկա (նեղուց)» հոդվածին։ |