Օքրո Օքրոյան

Օքրո Մկրտչի Օքրոյան (հուլիսի 25, 1939(1939-07-25), Տուրցխ, Ախալքալաքի շրջան, Սամցխե-Ջավախեթի մարզ, Վրացական ԽՍՀ, ԽՍՀՄ - մայիսի 2, 2003(2003-05-02), Երևան, Հայաստան), հայ գրող, գրականագետ։ Բանասիրական գիտությունների թեկնածու (1998)։ Հայաստանի գրողների միության անդամ։

Օքրո Օքրոյան
Ծնվել է	հուլիսի 25, 1939(1939-07-25)
Ծննդավայր	Տուրցխ, Ախալքալաքի շրջան, Սամցխե-Ջավախեթի մարզ, Վրացական ԽՍՀ, ԽՍՀՄ
Վախճանվել է	մայիսի 2, 2003(2003-05-02) (63 տարեկան)
Վախճանի վայր	Երևան, Հայաստան
Մասնագիտություն	բանաստեղծ, արձակագիր և գրականագետ
Քաղաքացիություն	ԽՍՀՄ և  Հայաստան
Կրթություն	Հայկական պետական մանկավարժական համալսարան
Գիտական աստիճան	բանասիրական գիտությունների թեկնածու (1998)
Անդամակցություն	ՀԳՄ
Օքրո Օքրոյան Վիքիդարանում

Կենսագրություն

Ավարտել է Երևանի պետական հեռակա մանկավարժական ինստիտուտի լեզվագիտության և 1967 թվականին՝ Խաչատուր Աբովյանի անվան մանկավարժական ինստիտուտի քիմիա-կենսաբանական ֆակուլտետները։

Լույս է ընծայել «Հանդիպում ուղեծրում» (1983), «Շուշանաց հովիտը» (1996), «Աստված սեր է» (հ. 1-4, 1998-2003) բանաստեղծությունների ժողովածուները, «Լեռան զանգեր» (1996) վեպը։

2004 թվականին Երևանի Էրեբունի վարչական շրջանի գրադարանն անվանակոչվել է Օքրո Օքրոյանի անունով։ 2007 թվականին Երևանում հիմնադրվել է «Օքրո Օքրոյան» գրական հիմնադրամը։

Երկեր

• Երկերի ժողովածու, Երևան, 2005։
• Հատընտիր, Երևան, 2006։
• Գիրք մնացորդաց, Երևան, 2000։
• Արջացած շնագայլերը, Երևան, 2003։
• Երկնաբնակը, Երևան, 2004։
• Նռան հատիկ, Երևան, 2007։

Գրականություն

• Ա. Բոստանջյան, Անմահության արտացոլք, Թ., 2003։
• Կ. Սարիբեկյան, Ինքնաբռնկում, Ե., 2004։

Ծանոթագրություններ

Վիքիդարանն ունի նյութեր, որոնք վերաբերում են «Օքրո Օքրոյան» հոդվածին։