Քրիստիանա Դիմիտերե
Քրիստիանա Դիմիտերե (լատիշ․՝ Kristiana Dimitere, մայիսի 11, 1965, Ռիգա, Լատվիա), լատվիացի նկարիչ։
Քրիստիանա Դիմիտերե լատիշ․՝ Kristiana Dimitere | |
---|---|
Ծնվել է | մայիսի 11, 1965 (58 տարեկան) |
Ծննդավայր | Ռիգա, Լատվիա |
Քաղաքացիություն | Լատվիա[1] |
Մասնագիտություն | նկարչուհի |
Հայր | Արթուր Դիմիտերս |
Մայր | Վիյա Արտմանե |
Կենսագրություն խմբագրել
Քրիստիանա Դիմիտերեն ծնվել է 1965 թվականի մայիսի 11-ին դերասաններ Արթուր Դիմիտերսի (1915-1986) և Վիյա Արտմանեի (1929-2008) ընտանիքում։ Կյանքի ավարտին Վիյա Արտմանեն խոստովանել է, որ իրականում Քրիստիանայի հայրը դերասան Եվգենի Մատվեևն է[2]։ Այդ մասին հայտնել է նաև Քրիստիանայի եղբայրը՝ Կասպար Դիմիտերսը[3]։
Քրիստիանա Դիմիտերեն ավարտել է Ռիգայի կիրառական արվեստի ուսումնարանի դեկորատիվ քանդակագործության բաժինը (1985)։
1991 թվականից մասնակցել է արվեստի ցուցահանդեսների։ Եղել է Լատվիայի հեռուստատեսության, Լատվիայի տիկնիկային թատրոնի և «Սկատուվե» անկախ թատրոնի որոշ բեմադրությունների բեմանկարիչ և հագուստի նկարիչ, «Գիսաստղ» (Հյուսիսային երկրների կինոյի փառատոնի մրցանակ, 1998) և «Ջրային ոգի» (2001) նկարած ֆիլմերի նկարիչ-անիմատոր։
Ստեղծագործություն խմբագրել
Անհատական ցուցահանդեսներ է ունեցել Լատվիայում, Շվեդիայում և Նորվեգիայում։ Ամենահայտնի գործերն են (գեղանկարչություն, գրաֆիկա և դեկորատիվ քանդակներ)՝ «Համլետ» (1998), «Գայլ» (1999), «Ցեց» (2001), «Բալերինա» (1991), «Դահուկորդուհի» (1995), «Կապկի մումիա» (1997)[4]։
Ծանոթագրություններ խմբագրել
- ↑ Identifiants et Référentiels (ֆր.) — ABES, 2011.
- ↑ Женская тайна Вии Артмане
- ↑ Сын Вии Артмане: Перед смертью мама призналась, что отец моей сестры — Евгений Матвеев
- ↑ Kristiana Dimitere // Latvijas Enciklopēdija. — Rīga: SIA «Valērija Belokoņa izdevniecība», 2007. — ISBN 9984-9482-0-X.
Գրականություն խմբագրել
- Kristiana Dimitere: glezniecība, tēlniecība, zīmējums. — R., 2003 (կատալոգ)